وروستی
کابل ښار کې د ۹۸تولیدي شرکتونو او اصنافو د چاپېریالي وضعیت څارنه وشوه
۱۴۴۶کال د شوال ۲۵مه/ کابل
د چاپېریال ساتنې ملي ادارې مفتشینو له لوري په فعالیتونو کې
د چاپېریالي اصولو د تطبیق او چاپېریال ساتنې په موخه د کابل ښار په مختلفو ناحیو
او څرخي پله صنعتي پارک کې (د وسپنې ویلې کولو، خوراکي توکو، پي وي سي پیپونو، غیر
الکولي مشروباتو، پلاسکو لوښو، ترکي بخاریو، وینځونکو توکو، پلاستیکي بوټانو او څپلکو
تولیدي شرکتونو او همدا راز مختلفو اصنافو: روغتونونو، کلینیکونو، لابراتوارونو،
لبنیات پلورنځیو، هوټلونو، قصابیو، نانوایانو او کلچه پزیو) د چاپېریالي وضعیت د څرنګوالي
څارنه او ارزونه ترسره شوه.
د چاپېریالي چارو مفتشینو لهخوا د فابریکو، تولیدي شرکتونو
او اصنافو مسوولینو ته موجوده چاپېریالي ستونزې ور وښودل شوې او د اصلاح په موخه
ورته لازمې سپارښتنې وشوې.
د دې ادارې مفتشینو د ذکر شوو فعالیتونو مسوولینو ته د چاپېریال
قانون، مقرراتو او طرزالعملونو په هکله معلومات ورکړل او سپارښتنه یې ورته وکړه چې
خپل فعالیتونه د چاپېریالي اصولو او مقرراتو په نظر کې نیولو سره عیار او ترسره کړي.