وروستی
د چاپېریال ساتنې ملي ادارې د ۱۴۰۴ کال تشکیل رسماً د ادارې کار کوونکو ته ابلاغ شو
١٤٤٦کال د ذوالقعدې٦مه/ کابل
د چاپېریال ساتنې ملي ادارې د ۱۴۰۴ کال تشکیل تر منظورۍ وروسته
د یوې غونډې په ترڅ کې د ادارې کارکوونکو ته رسماً ابلاغ کړ.
د نوې تشکیل له مخې، د ادارې تشکیلاتي جوړښت اصلاح شوی او د
چارو د لا ښه تنظیم لپاره نوي وظایف او دندې مشخص شوي دي.
د چاپېریال ساتنې ملي ادارې عمومي رئیس مولوي مطیع الحق
خالص په دې مناسبت د ادارې ټولو کارکوونکو ته وینا وکړه. نوموړي د ادارې پر هري
برخې مفصلې خبرې وکړې، د تشکیلاتو پر اهمیت یې ټینګار وکړ او د نوو مسؤلیتونو د دقیق
تطبیق غوښتنه یې وکړه. هغه وویل چې نوی تشکیل باید د چاپېریال د ښه ساتنې او خلکو
ته د غوره خدمتونو د وړاندې کولو لامل شي.
نوموړي له ټولو کارکوونکو وغوښتل چې د ریښتینې ژمنتیا،
صداقت او ملي احساس له مخې خپل مسؤلیتونه تر سره کړي. هغه ټینګار وکړ چې د چاپېریال
ساتنه یوازې یوه وظیفه نه، بلکې یوه دیني، اخلاقي او ملي وجیبه ده.
د چاپېریال ساتنې ملي ادارې د کارکوونکو چارو رئیس مولوي
اسدالله جمشید د تشکیل د جوړښت او منظورۍ حکم ولوست ده وویل تشکیل کي هیڅوک نه دی
بې سرنوشته شوی او نهایت هڅه شوې چې ټولو غوښتنو او ستونزو ته ځواب ووايې.
ښاغلي جمشید څرګنده کړه په دې سره به د چاپېریال د ساتنې او
پالنې په برخه کې د مؤثرو فعالیتونو ترسره کولو ته زمینه برابره شي.