وروستی
د چاپېريالي موضوعاتو په هکله سلګونو زده کوونکو ته عامه پوهاوي ورکړل شو
۱۴۴۶کال د ذوالقعدې ۸نېټه/ کابل
د چاپېریال ساتنې ملي ادارې د عامه پوهاوي ټيم لخوا د کابل ښار
۱۱ ناحیې اړوند بي بي سروري
عالي لېسې کابو ۳۰۰
زده کوونکو ته د چاپېریال ساتنې فرهنګ ترویج، د ونو او بوټو د ساتنې، اقلیمي بدلون
زيانونو، پلاستيکونو ضررونو او همدا راز د پاکې هوا د اهمیت په هکله عامه پوهاوی
ورکړل شو.
له ټولو زده کوونکو څخه غوښتنه وشوه چې په خپل کور او
شاوخوا کې چاپېريال ساتنې ته پاملرنه وکړي، پلاستيکونه او نور چاپېريال ککړونکي
توکي بې ځايه ونه غورځوي او د شنو ونو او بوټو ساتنه وکړي.
دغه راز ددې برنامې په لړ کې يو شمېر معلوماتي بروشرونه،
کتابچې، قلمونه او نور تبليغاتي توکي د زده کوونکو د لا تشويق په موخه هم و وېشل
شول.
چاپېریال ساتنه زموږ ټولو ایماني مسؤلیت دی، راځئ چې خپل
ماشومان په کوچني والي چاپېريال ساتنې ته وهڅوو!
