وروستی
د چاپېریال ساتنې ملي ادارې عمومي رئیس د ډیالوګ اکشن سازمان له اجرائیوي رئیس سره وکتل
۱۴۴۶کال
د ذوالقعدې ۹مه
نېټه/ کابل
د چاپېریال ساتنې ملي ادارې عمومي رئیس مولوي مطیع الحق
خالص په سیمهییزه او نړۍواله کچه د چاپېریال ساتنې په برخه کې د همکاریو د پیاوړتیا
په پار نن چهارشنبه د روان ۱۴۰۴کال
د غویي په ۱۷مه
نېټه د (Dialogue Action) سازمان
له اجرائیوي رئیس جولیان واینبرگ او مرستیال کمال اوکدا سره په خپل کاري دفتر کې
وکتل.
په دې لیدنه کې د اقلیمي بدلون، د افغانستان د ځنډول شوو
چاپېریالي پروژو، په سیمهییزه او نړۍواله کچه د همکارۍ او همغږۍ د پیاوړتیا او
مختلفو چاپېریالي مسایلو په هکله خبرې اترې وشوې.
د چاپېریال ساتنې ملي ادارې عمومي رئیس مولوي مطیع الحق
خالص د اقلیمي بدلون د ناوړه اغېزو په هکله خبرې وکړې او زیاته یې کړه: حقیقت دا دی
چې د اقلیمي بدلون د اضرارو څخه ټول هېوادونه متضرره دي او دا یو نړۍوال ګواښ دی چې
له بده مرغه افغانستان یې له ناوړه اغېزو څخه ډیر زیات اغېزمن شوی هېواد دی. ده وویل:
موږ هڅه کوو چې څنګه کولی شو راتلونکي کې له اقلیمي بدلون سره سازښت وکړو.
نوموړي د (Dialogue Action) سازمان
له مسوولینو وغوښتل چې په سیمه ییزه کچه د پرمختللو هېوادونو د تجربو شریکولو، تخنیکي
همکارۍ، ظرفیت لوړونې، نړۍوالو چاپېریالي غونډو او کنفرانسونو کې د افغان پلاوي د ګډون
زمینې مساعدول او د ځنډول شوو چاپېریالي پروژو د بیا پیلولو لپاره دې هلې ځلې وکړي.
د (Dialogue Action) مسوولینو
د چاپېریال ساتنې ملي ادارې له عمومي رئیس څخه مننه وکړه چې هغوی ته یې د لیدو
بلنه ورکړه او پر یو شمېر اهمو چاپېریالي موضوعاتو یې ورسره بحث او خبرې وکړې. د ډیالوګ
اکشن مسوولینو په خپلو خبرو کې وویل: موږ به هڅې وکړو چې د چاپېریالي موضوعاتو او
اقلیمي بدلون په برخه کې د نړۍوالو ارګانونو او چاپېریال ساتنې ملي ادارې تر منځ د
همکارۍ او همهغږۍ د لا پیاوړتیا لپاره مخکې قدمونه واخلو.
د لیدنې په پای کې پر مشترکې همکارۍ او همغږۍ ټینګار وشو او
هوکړه وشوه چې نړۍوال سازمانونه او موسسې باید د چاپېریال ساتنې په برخه کې ادارې
ته لازمې استانتیاوې برابرې کړي.