وروستی
د کابل بګرامیو ولسوالۍ کې د عامه پوهاوي غونډه ترسره شوه
۱۴۴۶کال د ذوالقعدې ۹مه نېټه/ کابل
د چاپېریال ساتنې ملي ادارې د عامه پوهاوي ټيم لخوا د بګراميو
ولسوالۍ اړوند طابه خصوصي لېسه کې د چاپېريال ساتنې په اړه د عامه پوهاوي غونډه
ترسره کړه. دغه غونډه چې د دې لېسې په انګړ کې جوړه شوې وه، موخه یې د ککړتیاوو
خطرونو په اړه معلومات وړاندې کول او د پاک او سمسور چاپېريال فرهنګ ترويج وو.
په پيل کې د دې لېسې مدیر قدرت الله بشيرزاده د چاپېريال
ساتنې ملې ادارې ټيم ته ښه راغلاست ووایه او ویې ويل: ټول چاپېريال زموږ د کور حیثيت
لري، که موږ یې پر وخت ساتنه ونکړو راتلونکي نسلونه به له ډېرو ستونزو سره مخامخ
شي.
ورپسې د چاپېريال ساتنې ملي ادارې کارپوه عبدالجبار وزيري د
چاپېریالي ککړتیا ډولونو، د ککړتیا بدو اغېزو، اقليمي بدلون، په چاپېريال ساتنه کې
د زده کوونکو رول، کثافاتو سم مدیریت، د اوبو د بې ځایه استعمال مخنیوي، ونو او
بوټو ساتنې په اړه مفصل معلومات وړاندې کړل.
د يادې لېسې ټولو زده کوونکو ژمنه وکړه چې په چاپېريال ساتنه کې به خپل
مسؤليت ترسره کوي او د پاک چاپېريال ساتنې لپاره به مبارزه کوي.
پاک چاپېريال د ټولو موجوداتو په ګټه دی، راځي چې خپل چاپېريال پاک وساتو!