وروستی
د پکتيکا په ښرنه کې له دوو خصوصي کلينيکونو څخه د حفظ الصحې او چاپېريال ساتنې په موخه نظارت ترسره شو
١٤٤٦کال د ذوالقعدې١٤مه/پکتيکا
د پکتيکا ولایت چاپېريال ساتنې ریاست د ښرنې ښار په دوو
خصوصي کلينيکونو کې د حفظ الصحې اصولو او چاپېريال ساتنې د تأمين په موخه هر اړخيز
نظارت ترسره کړ.
د يادې څارنې پر مهال، د کلينيکونو مسؤلينو او کارکوونکو ته
د حفظ الصحې اړوند مقررات او د چاپېريالي اصولو د پلي کولو سپارښتنې ورکړل شوې.
همدارنګه، د تفتيش پر مهال ځينې نيمګړتياوې هم په ګوته شوې چې د اصلاح لپاره يې اړينې
لارښوونې وشوې.
د چاپېريال ساتنې ریاست مسؤلینو د کلينيکونو له کارکوونکو
سره د يو پاک، خوندي او روغتيايي چاپېريال د اهميت په اړه عامه پوهاوی هم شريک کړ،
څو د ناروغيو د خپرېدو مخنيوی وشي او د خدمتونو کيفيت لوړ شي.
چاپېريال ساتنې ریاست ژمن دی چې د ورته نظارتونو لړۍ به
دوامداره وساتي، څو د عامې روغتيا خونديتوب ته لا زياته پاملرنه وشي.