وروستی
د کابل پوهنتون د چاپېریال ساتنې پوهنځي محصلینو د چاپېریال ساتنې ملي ادارې له لابراتوار لیدنه وکړه
د روانې میاشتې په ۱۶مه نېټه د کابل پوهنتون د چاپېریال ساتنې پوهنځي محصلیونو د چاپېریال ساتنې ملي ادارې د چاپېریالي لابراتواري دستګاوو څخه لیدنه وکړه.
په پیل کې د چاپېریال ساتنې ملي ادار ې مسلکي معین انجنیر عزت الله صدیقي د چاپېریال ساتنې پوهنځي محصلینو ته د ښه راغلاست تر څنګ وویل: تاسو کولای شئ د تیوري زدهکړه تر څنګ په عملي توګه د چاپېریالي موضوعاتو د لاښه پوهاوي لپاره د دې ادارې له تخنیکي کارکوونکو مرسته وغواړئ او هم په راتلونکې کې ورسره خپلې ستونزې شریکې کړئ.
ورپسې انجنیر نېک محمد د دې ادارې د چاپېریالي چارو د څارنې او پلټنې رییس له محصلینو سره د دې ادارې هلې ځلې شریکې کړې او زیاته یې کړه: د چاپېریال ساتنې ملي اداره د ټولو خنډونو او ستونزو د حللارو د راپیدا کولو لپاره ستاسو مرستو ته اړتیا لري.
همدا رنګه انجنیرمحمد بصیر امین د څارنې او تفتیش ریاست د هوا د ارزونې او شننې آمر د هوا ککړتیا په برخه کې محصلینو ته پرزېنټېشن وړاندې کړ او د چاپېریال ساتنې ملي ادارې د لابراتوري ماشینونو په برخه کې یې له محصلینو سره شته معلومات شریک کړل.
په پای کې د محصلینو د لاښه پوهاوي لپاره د چاپېریالي لابراتواري ماشینونو ازمایښت هم تر سره شو.