وروستی
ننګرهار، کونړ او پروان کې د ډبرو او جغل د پروسس شرکتونو څخه نظارت ترسره شو
۱۴۴۶ کال د ذوالحجې ۳مه/ ننګرهارـ کونړ-پروان
په فعالیتونو کې د چاپېریالي اصولو د تطبیق په پار د ننګرهار،
کونړ او پروان ولایتونو د چاپېریال ساتنې ریاستونو نظارتي ټیمونو له لوري د جلال
اباد سرهرود ولسوالۍ کمبو خوړ کې د همکار ساختماني موادو د استخراج او پروسس
شرکت؛ اسعداباد کې د ګل اعظم په نوم کرش پلانټ او پروان ولایت د جبل السراج ولسوالۍ
اشابه سیمه کې د جغل او ریګ د استخراج شرکت د فعالیتونو د څرنګوالي او چاپېریالي
وضعیت څارنه او ارزونه ترسره شوه.
د نظارت پر مهال د یادو پروژو اړوند لازم معلومات راټول شول
او د چاپېریالي چارو مفتشینو له لوري د شرکتونو مسؤلینو ته د چاپېریالي اصولو او
شرایطو د رعایت؛ د اوبو، هوا او خاوې ککړتیا د راکمولو او مخنیوي په اړه مهمې سپارښتنې
وشوې.
د ذکر شوو شرکتونو مسؤلینو د چاپېریالي اصولو د پلي کولو
ژمنه وکړه، او د چاپېریالي چارو مفتشینو سره یې د هر راز همکارۍ ډاډ ورکړ.
د چاپېریال قانون د احکامو مطابق د هوا، اوبو او خاورې ککړول
جرم دی؛ هر هغه څوک چې د ککړتیا لامل شي، د قانون منګولو
ته به وسپارل شي.