وروستی
ننګرهار او کندز کې د یو شمېر فعالیتونو د څرنګوالي څخه نظارت ترسره شو
۱۴۴۷ کال د محرم ۷مه / ننګرهار-کندز
فعالیتونو کې د چاپېریالي اصولو د تطبیق په موخه د ننګرهار
او کندز ولایتونو د چاپېریال ساتنې ریاستونو نظارتي ټیمونو له لوري د خیوې ولسوالۍ
اړوند د شګې په سیمه کې د زیارمل عثمانزي د کیمیاوي سرې تولیدي فابریکې؛ د کامې
ولسوالۍ اړوند مسلم آباد سیمه کې د محمد قاسم کاموال زراعتي او مالدارۍ خدمتونو
شرکت او همدا راز کندز کې د ۱۲مختلفو
اصنافو (د یخ تولیدي کارخونو، هوټلونو، نانوایانو، حمامونو او موټر شویانو، ) د
فعالیتونو د څرنګوالي او چاپېریالي وضعیت څارنه او ارزونه ترسره شوه.
د چاپېریالي چارو مفتشینو له لوري د نظارت په لړ کې د ذکر
شوو فعالیتونو اړوند اړین معلومات راټول شول، او د موجودو نیمګړتیاوو د حل په برخه
کې یې مسوولینو ته لازمې لارښوونې وشوې؛ همدارنګه د یادو فعالیتونو مسؤلینو ته د
چاپېریالي اصولو د ښه تطبیق، د ککړتیا راکمولو او مخنیوي په موخه اړینې سپارښتنې وشوې.