وروستی
ننګرهار کې د معدني اوبو او آیسکریم تولیدي فابریکو له فعالیتونو څارنه وشوه
۱۴۴۷ کال د محرم ۱۸مه نېټه/ننګرهار
د ننګرهار ولایت د چاپېریال ساتنې ریاست نظارتي ټیم له لوري
د جلالاباد ښار اوومې ناحیې اړوند سیمو کې د "ګلشن آيسکريم" او
"اسما معدني اوبو" تولیدي فابریکو د فعالیتونو له څرنګوالي او چاپېریالي
وضعیت څارنه او ارزونه ترسره شوه.
په دې څارنه کې د فابریکو چاپېریالي وضعیت و ارزول شو، مسولینو
ته یې موجوده چاپېریالي ستونزې او نیمګړتیاوې په ګوته شوي او لازمې سپارښتنې ورته
وشوې.
د یادو فابریکو له مسوولینو څخه مخکې لیکلې ژمنې اخیستل شوې
وې چې په خپلو فعالیتونو کې به چاپېریالي اصول پلي کوي چې تر پخوا یې نسبتاً فعالیتونه
ښه شوي او بیاځلي یې ژمنې وکړې چې د چاپېریالي معیارونو پلي کولو لپاره به جدي هڅې
کوي او په خپلو فعالیتونو کې به لازم اصلاحات راولي.
هر ډول فعالیتونه د چاپېریالي اصولو پر تطبیق مکلف دي؛ که
هر چا سرغړونه وکړه د قانون منګولو ته به وسپارل شي.