وروستی
ولایتونو کې د یو شمېر فعالیتونو د چاپېریالي وضعیت څارنه او ارزونه وشوه
۱۴۴۷ کال د محرم ۲۳مه نېټه
فعالیتونو کې د چاپېریالي اصولو د تطبیق، ککړتیا راکمولو او
مخنیوي په پار د چاپېریال ساتنې ملي ادارې د کابل، ننګرهار، لغمان، پکتیکا، خوست
او بغلان ولایتونو د چاپېریال ساتنې ریاستونو مسوولینو له لوري د مخلتفو اصنافو د
فعالیتونو د څرنګوالي څارنه او ارزونه ترسره شوه.
- د کابل ولایت د چاپېریال
ساتنې ریاست مفتشینو لخوا د ۱۱مختلفو
اصنافو: هوټلونو، کلینیکونو، او سوداګریزو مارکیټونو د سپتیک څاه ګانو څخه نظارت
ترسره شو.
- د ننګرهار ولایت د چاپېریال
ساتنې رئیس قاري احسان الله مختار په مشرۍ د نانوایانو د اتحادیې له استازو سره د
چاپېریالي جوازونو د ویش، د نانوایانو د فعالیتونو د تنظیم، د حفظالصحه اصولو رعایت،
د سون توکو مناسب استعمال او د چاپېریالي ککړتیاوو د مخنیوي په اړه مشورتي غونډه
وشوه.
- د لغمان ولایت د چاپېریال
ساتنې ریاست مسوولینو لخوا د الیشنګ سیند په اوږدو کې د کبانو د ښکار مخنیوی وشو
او له ښکاریانو لیکلې ژمنې واخیستل شوې چې بیاځلي به ښکار نه کوي.
- د پکتيکا ولايت مرکز ښرنه
او اورګون ولسوالۍکې د چاپېریال ساتنې ریاست له لوري د چاپېریالي وضعیت د ارزونې
او اقليمي بدلون سروې پیل شوه.
- د خوست ولایت د چاپېریال
ساتنې رئیس قاري شریف الله مهاجر په مشرۍ نظارتي ټیم لوري د خوست ښار لومړۍ ناحیه
کې د یوه ورزشي کلپ او همداراز د زراعت ریاست اړوند باغ د چاپېریالي وضعیت ارزونه
ترسره شوه.
-
د بغلان ولایت د چاپېریال ساتنې ریاست د عامه پوهاوي ټیم له
لوري د احسن العلوم دارالحفاظ لسګونو طالب العلمانو ته د چاپېریالي مسایلو په هکله
عامه پوهاوی ورکړل شو.