وروستی
لغمان، دایکنډي او ارزګان کې د یو شمېر سیمو د چاپېریالي وضعیت سروې ترسره شوه
۱۴۴۷ کال د محرم ۲۶مه/ لغمان-دایکنډی-ارزګان
د چاپېریال ساتنې ملي ادارې له خوا د رها مؤسسې په همکارۍ د
افغانستان د چاپېریالي وضعیت د ارزونې په موخه په یو شمېر ولایتونو کې د اقلیمي
بدلون د ناوړه اغېزو او زیانونو د معلومولو په تړاو سروې پیل شوې ده چې تر بشپړیدو
وروسته به یې راپور چمتو او نړۍوالو چاپېریالي کنوانسیونونو ته وړاندې شې چې پر
بنسټ به یې افغانستان وکولی شي د اقلیمي بدلون سره د سازښت او مبارزې په برخه کې د
موجوده مالي میکانیزمونو څخه مرستې ترلاسه کړي.
د دې سروې په لړ کې د لغمان ولایت د چاپېریال ساتنې ریاست
له لوري د دولت شاه ولسوالۍ د چاپیریالي وضعیت د ارزونې سروې پای ته ورسیده چې د ۵ورځو په ترڅ کې د یادې ولسوالۍ
په (٢٨) کلیو کې د (٧٦) مختلفو کمیټو سره چاپیریالي سروې ترسره شوه.
د ارزګان ولایت د چاپېریال ساتنې ریاست مسوولینو له لوري
مرکز ترینکوټ اړوند سفید خار سیمه کې د یادې سیمې د چاپېریالي وضعیت د ارزونې سروې
پیل شوه.
همدا راز په دایکنډي ولایت کې هم د چاپېریال ساتنې ریاست
مسوولینو له لوري د مرکز نیلي اړوند یو شمېر سیمو کې د چاپېریالي وضعیت د ارزونې
سروې پیل شوه.
د یادې چاپیریالي سروې موخه د افغانستان د چاپیریالي وضعیت
د ارزونې راپور چمتو کولو لپاره د دیني علماوو او ولسونو لیدلوري، نظریات او
رغوونکي وړاندیزونه راټول دي، دا راپور یوازې علمي او تخنیکي نه، بلکې د ولس د
باورونو او ارزښتونو برخه به هم وګرځي.