وروستی
په ولایتونو کې د چاپېریالي مقرراتو د تطبیق په موخه څارنې او ارزونې ترسره شوې
۱۴۴۷کال د صفرالمظفر دویمه/ خوست، زابل، ننګرهار،
لغمان
د چاپېریال ساتنې ملي ادارې د خپل کاري پلان له مخې، د هېواد
په بېلابېلو ولایتونو کې د چاپېریالي وضعیت د څارنې، ارزونې او د قوانینو د تطبیق
په موخه نظارتي فعالیتونه ترسره کړي دي.
د خوست چاپېریال ساتنې ریاست د اسماعیلخېلو او مندوزیو
ولسوالیو اړوند د خښتو بټیو څخه نظارت وکړ. په دې لیدنه کې د خامو موادو کیفیت، د
کارکوونکو یونیفورم، شنه ساحه او حفظالصحه و ارزول شول. مسؤولینو ته د چاپېریالي
مقرراتو رعایت سپارښتنه وشوه.
همداراز د خوست ښار د ښاري کثافاتو دفن ځایونه هم و ارزول
شول.
په قلات ښار کې د کلچو یوې تولیدي فابریکې څخه لیدنه وشوه.
فابریکې چاپېریالي جواز نه درلود. مسؤول کس ته سپارښتنه وشوه چې جواز واخلي او هغه
ژمنه وکړه چې چاپېریالي اصول به رعایت کړي.
د جلالاباد ښار په نهمه ناحیه کې د تېلو او مایع ګاز پمپ
استیشن څخه تفتیش ترسره شو. یاد استیشن چاپېریالي جواز درلود او مسؤول یې د
دوامدارې همکارۍ او اصولو د تطبیق ژمنه وکړه.
په مهترلام ښار کې د یخ جوړولو یوې نوې فابریکې څخه نظارت
وشو. د تولید پروسه، د اوبو کارونه او زبالې و ارزول شوې. مسؤول ته چاپېریالي سپارښتنې
وشوې او د جواز اخیستلو لپاره را وبلل شو.
د چاپېریال ساتنې ملي اداره له ټولو تولیدي، تجارتي او
خدماتي بنسټونو غوښتنه کوي چې چاپېریالي جوازونه ترلاسه کړي، قوانین مراعت کړي او
د پاک، سالم او پایداره چاپېریال د ساتنې لپاره له ادارې سره همکاري وکړي.