وروستی
خوست کې د مختلفو فعالیتونو د چاپېریالي وضعیت څارنه او ارزونه وشوه
۱۴۴۷ کال
د صفر ۶مه/
خوست
د فعالیتونو د چاپېریالي وضعیت د ارزونې په پار د خوست ولایت
د چاپېریال ساتنې رئيس قاري شریف الله مهاجر په مشرۍ نظارتي ټیم لهلوري د تیرو درې
ورځو په ترڅ کې د یو شمېر فعالیتونو د چاپېریالي وضعیت څارنه او ارزونه ترسره شوه.
- د غړومبي په سیمه کې د اوبو د اسراف د مخنیوي په موخه د ۴موټر شویانو د فعالیتونو د څرنګوالي
څخه نظارت ترسره شو.
- د
طبي زبالو د تنظیم او مدیریت په موخه د خوست ښار مختلفو سیمو کې د ۳روغتونونو د چاپېریالي وضعیت
ارزونه وشوه او مسوولینو ته یې د چاپېریالي چارو مفتشینو له لوري د حفظ الصحې د
ساتنې او طبي زبالو د مدیریت په برخه کې لازمې سپارښتنې وشوې چې د روغتیایي
مرکزونو د مسوولینو له خوا یې د تطبیق ډاډ ورکړل شو.
- د تڼیو ولسوالۍ کوچانو سیمه کې د کېنول شویو جلغوزیو نیالیګیو
څخه د ساتنې او پر وخت خړوبولو په موخه نظارت ترسره شو چې وضعیت یې نسبتاً ښه دی.
د سیمې خلکو ته د یادو نیالګیو د ساتنې سپارښتنې وشوې او هغوی د هر راز همکارۍ
ژمنه وکړه.
- د هوا ککړتیا راکمولو او مخنیوي په موخه د اسماعيل خېلو او مندوزیو ولسوالیو د خښتو پخولو بټیو د اتحادیې
مسولینو سره مشورتي غونډه وکړه او د موجوده ستونزو د حل په موخه ورته لازمې سپارښتنې
وشوې.
چاپېریال ساتنه د هر هېوادوال فردي مسوولیت؛ راځئ چې د یوه ښېرازه
او سالم چاپېریال رامنځته کولو لپاره ګډې هلې ځلې وکړو!