وروستی
د چاپېریال ساتنې ملي ادارې عمومي رئیس د سمنګان ولایت مقام له مرستیال سره وکتل
١٤٤٧کال د صفرالمظفر ١٧مه/ سمنگان
د چاپېریال ساتنې ملي ادارې عمومي رئیس مولوي مطیعالحق
خالص او ورسره پلاوي د خپل رسمي سفر پر مهال سمنګان ولایت ته د دغه ولایت مقام له
مرستیال مولوي داد خدا خادم سره وکتل او د چاپېریال ساتنې اړوند موضوعاتو په اړه یې
مفصلې خبرې وکړې.
په دې کتنه کې چې د ادارې د مل پلاوي او د ولایت مقام د
مسؤلینو په ګډون ترسره شوه دواړو لوریو د چاپېریال ساتنې موجود وضعیت، روانو
پروژو، د نظارت او ارزونې پروګرامونو او د عامه پوهاوي د پراختیا په اړه بحث وکړ.
د چاپېریال ساتنې ملي ادارې عمومي رئیس د ولایت مقام مرستیال
ته د ادارې د تګلارو، پلانونو او ملي پروګرامونو په اړه معلومات ورکړل او ټینګار یې
وکړ چې چاپېریال ساتنه یوازې د یوې ادارې دنده نه ده، بلکې ټول اړوند بنسټونه باید
په ګډه همکاري وکړي.
د ولایت مقام مرستیال د چاپېریال ساتنې ملي ادارې له کارونو
او هڅو څخه مننه وکړه او ډاډ یې ورکړ چې د ولایت مقام به د چاپېریال ساتنې پروګرامونو
په تطبیق او د اړوندو مقرراتو په پلي کولو کې له یادې ادارې سره نږدې همکاري کوي.