وروستی
د طبي پاتې شونو د تنظیم کمېټو ۴ولایتونو کې نوبتي غونډې وکړې
۱۴۴۷ کال د ربیع الاول ۱۵/ هلمند-خوست-بامیان-لوګر
د طبي زبالو د تنظیم او مدیریت په پار په ټولو ولایتونو کې
د چاپېریال ساتنې ریاستونو په مشرۍ ولایتي کمېټې جوړې شوې دي چې وخت په وخت نوبتي
غونډې کوي.
د هلمند، خوست، بامیانو او لوګر ولایتونو د چاپېریال ساتنې
رئیسانو په مشرۍ د طبي زبالو د تنظیم ولایتي کميټو نوبتي غونډې وکړې چې پکې د اړوندو
ادارو استازو ګډون کړی وو.
په غونډو کې د طبي پاتې شونو د ښه تنظیم په موخه د یادو ولایتونو
د ښارو اړوند د ټولو ناحیو روغتنونو او کلینيکونو د طبي پاتې شونو ارزونه او په دې
برخه کې بشپړ معلومات د طبي پاتې شونو د کمېټو له
غړو سره شریک شول.
ګډونوالو د طبي پاتې شونو د اضرارو او حل لارو په تړاو هر اړخیز
بحث او خبرې وکړې او د ټولو روغتیایي مرکزونو مسولینو ته سپارښتنې وشوې چې د طبي
زبالو د چاپېریالي جوازونو د توزیع او د انسینراتور له مسولینو سره هر اړخیزه
همکاري وکړي، تر څو د ولایتونو په کچه د طبي زبالو مدیریت او کنترول په اغېزناک ډول
ترسره شي او د ساري ناروغیو د انتقال او خپریدو مخه ونیول شي.
تر هر اړخیز بحث او خبرو وروسته ګډونوالو پریکړې وکړې چې ټول
روغتونونه او کلینيکونه باید خپلې طبي پاتې شونې په انسنراټورونو کې په معیاري ډول وسوځوي؛ د طبي زبالو د تنظیم کمېټې
غړي باید په منظم ډول د انساني او حیواني طبي پاتې د له منځه وړلو له څرنګوالي څارنه
وکړي؛ ټول روغتونونه او کلینيکونه باید د کثافت دانيو تفکیک په پام کې نيولو سره
خپلې طبې پاتې شونې خصوصي شرکتونو ته په
قرار داد ورکړي؛ ترڅو په معياري ډول له منځه یووړل شي او همداراز د طبي زبالو د سوځولو
او له منځه وړولو څخه باید د کمېټې غړي ډاډ ترلاسه کړي.