وروستی
د چاپېریال ساتنې ملي ادارې استازي د میناماتا کنوانسیون د غړو د شپږمې ناستې لپاره د اسیا ـ پاسیفیک سیمې د چمتوالي په سیمیزه غونډه کې ګډون وکړ
١٤٤٧کال د ربیع الثاني لومړۍ نېټه/ ټایلنډ
د چاپېریال ساتنې ملي ادارې د ارزونې او تلپاتې پراختیا رئیس
انجینر جاویدالله حماد د افغانستان په استازیتوب د میناماتا کنوانسیون د غړو هېوادونو
د شپږمې ناستې (COP-6) لپاره
د اسیا ـ پاسیفیک سیمې د چمتوالي په سیمیزه غونډه کې ګډون وکړ.
یاده غونډه د ۲۰۲۵
کال د سپتمبر په ۲۳
ـ ۲۴ نېټه
په تایلنډ کې د ملګرو ملتونو د چاپېریال پروګرام
(UNEP) په همغږۍ جوړه شوې وه.
په غونډه کې د سیمې هېوادونو استازو د زهرجنو موادو او
محصولاتو د کارونې د مخنیوي، د وړې کچې د سرو زرو د کانکېندنې ستونزو، د زهرجنو
کثافاتو مدیریت، د مالي سرچینو برابرولو، تخنیکي مرستو، د ظرفیت لوړونې او د چاپېریال
ساتنې په نړیوالو همکاریو بحثونه او نظرونه شریک کړل.
د چاپېریال ساتنې ملي ادارې د ارزونې او تلپاتي پراختیا رئیس
انجینر جاویدالله حماد د افغانستان دریځ څرګند کړ او ټینګار یې وکړ چې هېوادونه باید
د زهرجنو موادو د کارونې په کمولو او د بشري روغتیا او چاپېریال د خوندیتوب لپاره ګډې
هڅې وکړي.
نوموړي په ځانګړي ډول د نړیوالو ادارو او پرمختللو هېوادونو څخه
د مرستو غوښتنه وکړه، څو وروسته پاتې هېوادونه وکولای شي د میناماتا کنوانسیون د
پلي کولو لپاره لازم تخنیکي، مالي او ټکنالوژیکي ملاتړ ترلاسه کړي.
د چمتووالي دغه غونډه د دې لپاره ترسره شوه، څو د سیمې هېوادونه
د COP-6 رسمي
ناستې ته چې د ۲۰۲۵
کال د نومبر په ۳ ـ ۷ نېټه ترسره کېږي، په ښه ډول چمتووالی ونیسي.