وروستی
د ښکار د مخنیوي، د طبیعی منابعو د اهمیت او چاپېریال ساتنې په هکله سلگونو پولیسو ته یو ورځنی ورکشاپ جوړ شو
۱۴۴۷ کال د ربیع الثاني ۱۱مه/ میدان ورردګ
د میدان وردگو ولایت د چاپېریال ساتنې رئیس مولوي الله محمد
ذاکر په مشرۍ د عامه پوهاوي ټیم له لوري د میدان وردګو ښونیز او روزنیز مرکز (۶۱۱) تنو ساتونکو ته د ښکار د مخنیوي،
د طبیعي منابعو د اهمیت او مختلفو چاپېریالي مسایلو په هکله د یو ورځني رزونیز
ورکشاپ په لړ کې عامه پوهاوی پوهاوی ورکړل شو.
ورکشاپ د قرانکریم د څو مبارکو ایتونو په تلاوت سره پیل شو
ورپسې د میدان وردګو ولایت د چاپیریال ساتنې رئیس مولوي الله محمد ذاکر د چاپیریال
ساتنې، ښکار د مخنیوي او طبیعي منابعو د اهمیت په اړه وینا وکړه او طبیعي منابع یې
د هیواد ملي شتمني یاده کړه چې باید ساتنه یې وشي، همدا راز نوموړي یادونه وکړه چې
د اسلامي امارت ساتونکي مکلف دي چې د هیواد په هرځای کې د وحشي حیواناتو د قاچاق، ښکار
د مخنیوي او طبیعي منابعو د ساتنې په برخه کې خپل ملي مسولیت ادا کړي، دغه راز د
چاپېریال ساتنې رئیس یادونه وکړه چې چاپېریال ساتنه او پالنه د ټولنې د ټولو وګړو دیني، ایماني او وجداني دنده او مسولیت دی
چې باید ادا یې کړي؛ همدارنګه نوموړي د افغانستان اسلامي امارت د رئیس الوزراء
عالي مقام (۱۱۴)ګڼه
هدایت چې د وحشي ژوو د ښکار د مخنیوي په اړه صادر شوی و، له ګډونوالو سره شریک کړ
او پر ساتونوکو یې غږ وکړ چې د وحشی حیواناتو او مرغانو ښکار، قاچاق او طبیعي
منابعو په ساتنه کې کوټلي ګامونه واخلي.
د ورکشاپ په لړ کې د چاپېریال ساتنې ریاست د طبیعي میراثونو
عمومي مدیر له لوري د طبیعي منابعو، وحشي ژوو او مرغانو د اهمیت، ښکار او قاچاق د
مخنیوي او مهمو چاپېریالي مسایلو په هکله معلوماتي پرزنټېشن وړاندې شو.
د میدان وردګو ولایت د چاپېریال ساتنې ریاست پر ټولو امنیتي
مسوولینو غږ کوي چې د وحشي ژوو، کبانو او مرغانو د ښکار او قاچاق په مخنیوي کې خپل
مسوولیت ادا کړي او له دې ریاست سره هر اړخیزه همکاري وکړي.