وروستی
خوست کې د یو شمېر فابریکو د چاپېریالي وضعیت ارزونه وشوه
۱۴۴۷ کال د ربیع الثاني ۱۲مه/ خوست
د خوست ولایت د چاپېریال ساتنې ریاست نظارتي ټیم له لوري د
اسماعیل خیلو او مندوزیو ولسوالۍ اړوند طويشې پل مربوطاتو کې د مالګې ۳تولیدي کارخونو د چاپيريالي
وضعیت څارنه او ارزونه ترسره شوه.
دا ارزونه د فردي او محیطي حفظالصحې رعایت او ساتنې، د ککړتیا
عواملو تشخیص، د ککړونکو منابعو موندلو، د کارکونکو شخصی یونیفورم برابرولو او د
هغوی د کنټرول او مخنیوي په موخه تر سره شوه.
د څارنې پر مهال د یادو کاري اصنافو شاوخوا چاپېریال، کاري
ساحې پاکوالي، د حفظالصحې اصولو رعایت، د کارکوونکو د شخصي یونیفورم حالت، او د
شنو ساحو وضعیت وڅېړل شو.
اړونده مسؤولینو ته د چاپېریالي اصولو په رڼا کې د یاد ټیم
له لوري مشخصې لارښوونې او سپارښتنې وړاندې شوې، تر څو د چاپیریال قانون او اصول تطبیق او د چاپیریال د
زیانمنیدو مخنیوی وشي.
د چاپېریالي چارو مفتشینو ته د یادو تولیدي کارخونو مسولينو
لخوا د چاپېريالي رهنمودونو د تطبيق په برخه کې د همکارۍ ډاډ ورکړل شو .