وروستی
د ادارې مرکزي پلاوي د لغمان د چاپېریال ساتنې ریاست مسلکي فعالیتونه وارزول
١٤٤٧کال د ربیع الثاني ١٩مه/ لغمان
د چاپېریال ساتنې ملي ادارې مسلکي هیئت د لغمان چاپیریال
ساتنې ریاست د فعالیتونو د ارزونې په موخه یاد ولایت ته سفر وکړ.
ټاکل
شوي پلاوي د یاد ریاست د رییس احمد شاه "ابراهیم" او کارمندانو سره
پخپله رسمي ناسته کې د سفر موخې او د ارزونې هدفونه تشریح کړل.
وروسته یاد مسلکي پلاوي د ریاست د بېلابېلو مسلکي برخو اسناد
او راپورونه وارزول، د فایلنګ او اداري تنظیم همدارنګه د ساحوي فعالیتونو د لاښه
والي لپاره يې اړوندو کارکوونکو ته اړینې سپارښتنې وکړې، تر څو اداري او ساحوي
چاري منظم او په ښه توګه ترسره شي.
د یاد پلاوي سفر په دویمه ورځ، د لغمان چاپېریال ساتنې ریاست
د هیئت په ملتیاد ښاري اصنافو، رسټورانټونه، نانوایان، د ولایتي روغتون بیلابیلې څانګې
او د طبي زبالو د محوې انسنراتور، په یاد ولایت کې د هندوستان په نوم تفریحي پارک
او له یو شمېر تولیدي فابریکو څخه نظارت ترسره کړ، د نظارت پر مهال د چاپېریالي
اصولو د رعایت کولو په اړه مالکانو او مسؤلینو څخه کتبي تعهد واخیستل شو او لازمې
لارښوونې او سپارښتنې ورته وشوې.
همدارنګه د ساحوي کارکوونکو له لوري د نظارت او ارزونې په
برخه کې موجودې ستونزې له هیئت سره شریکې شوې او د کارونو د لا ښه ترسره کولو په
منظور لازمې مشورې ورکول شوې.
د لغمان چاپیریال ساتنې ریاست رهبري او کارکوونکي د ورغلي هیئت
څخه د هغوي د همکارۍ، عملي مشورو، ساحوي فعالیتونو کې د چاپیریالي نظارت کولو اصول
او روشونو د لارښوونو څخه مننه وکړه.