د چاپېریالي موضوعاتو په تړاو خوست او سمنګانو کې ښوونکو او امنیتي مسوولینو ته روزنیز پروګرامونه جوړ شول

۱۴۴۷ کال د ربیع الثاني ۲۲مه/ خوست-سمنګان
د چاپېریالي مسایلو په تړاو د ښوونکو او امنیتي مسوولینو د ظرفیت لوړونې په موخه د خوست او سمنګانو ولایتونو د چاپېریال ساتنې ریاستونو له لوري لسګونو ښوونکو او امنیتي مسوولینو ته یو ورځني روزنیز ورکشاپونه جوړ شول.
خوست کې د ADA مؤسسې په همکارۍ د یو شمېر ولسواليو ۲۵۰ تنو ښوونکو ته د چاپېريال ساتنې او ځنګلونو د ارزښت، اوبو او خاورې د ساتنې په هکله د یو ورځني روزنیز ورکشاپ په ترڅ کې هر اړخیز معلومات وړاندې شول.

همدا راز د سمنګانو ولایت د چاپېریال ساتنې ریاست له لوري د دره صوف ولسوالۍ امارتي ادارو کارکوونکو ته یو ورځنی سیمینار جوړ شو.
د سیمنار په ترڅ کې د ویناوالو لخوا ګډونوالو ته د مخلتفو چاپېریالي مسایلو په هکله ویناوې واورل شوې او د چاپېریال قانون او مقرراتو په تړاو ورته عامه پوهاوی ورکړل شو.

Oct 15, 2025