وروستی
د دعوت او ارشاد له لوري د اخیستل شوې ازمویني پایلو اعلانغونډه ترسره شوه
۱۴۴۷کال د ربیع الثاني ۲۳نېټه/ کابل
د چاپېریال ساتنې ملي ادارې د دعوت او ارشاد ریاست لخوا څه
موده وړاندې د دیني درسونو اخیستل شوې ازموینې پایلې، نن پنج شنبه د ۱۴۰۴کال د تلې په ۲۴مه نېټه د دې ادارې د کول حشمت
خان غونډو په تالار کې اعلان او مخکښو اشخاصو ته ډالۍ ورکړې شوې.
په دې غونډه کې د چاپېریال ساتنې ملي ادارې عمومي رئیس مولوي
مطیع الحق خالص، رئیسانو او ټولو کارکوونکو ګډون کړی وو.
غونډه د قران کریم مبارکو ایتونو په تلاوت پیل شوه ورپسې د دې
ادارې عمومي رئیس مولوي مطیع الحق خالص د دیني علومو د ارزښت او اړتیا په هکله هر
اړخیزه وینا وکړه. ده په خپلو خبرو کې د دعوت او ارشاد ریاست څخه مننه وکړه چې د
کارکوونکو د دیني ظرفیت لوړولو په برخه کې هلې ځلې کوي.
عمومي رئیس زیاته کړه: د انسان د خلقت هدف د الله تعالی
عبادت کول دي؛ نو که موږ خپل دنیوي امور د عبادت په نیت او د شریعت اصولو مطابق
ترسره کړو؛ نو دا عبادت دی او هغه عبادت الله تعالی ته قبول دی چې شکل او اصولو
برابر وي او کله چې موږ غواړو چې عبادت مو سم شي؛ نو علم ته اړتیا ده، د علم په
حاصلولو کولی شو چې د عبادت په اصولو ځان پوه کړو او زموږ او ستاسې د ټولو امورو
لپاره د دین زدهکړه اولویت ده.
ښاغلي خالص وویل: د دعوت او ارشاد ریاستونه د ټولنې د اصلاح
او کارکوونکو د دینې ظرفیت لوړونې لپاره ایجاد شوي دي. ده کارکوونکو ته سپارښتنه
وکړه چې خپل صورت او سیرت د شرعي اصولو مطابق عیار کړي او په دنیا کې چې هر قدم
اخلو باید د الله تعالی رضا په پام کې ولرو.
نوموړي زیاته کړه: د نظام په اصلاح سره ټولنه اصلاح کیږي؛ نو
د نظام کارکوونکو ته اړینه ده چې خپل امور د شرعي اصولو مطابق عیار کړي.
د غونډې په لړ کې د دې ادارې د ملا امام مولوي نورمحمد شفق
لخوا اصلاحي وینا وړاندې وړاندې شوه، د ترانې اوریدلو وروسته د ازموینې مخکښو
کسانو ته ډالۍ ورکړل شوې او غونډه د دعایې په لوسلتو پای ته ورسېده.
