د چاپېریال ساتنې ملي ادارې او خصوصي سکتور مسؤلینو ترمنځ ګډه مشورتي غونډه وشوه

۱۴۴۷ کال د ربیع الثاني ۲۹مه/ کابل
په چاپېریالي پروګرامونو او برنامو کې د خصوصي سکتور د ونډې په تړاو نن چهار‌شنبه د ۱۴۰۴کال د تلې په ۳۰مه نېټه د دې ادارې د بند امیر د غونډو په تالار کې مشورتي غونډه ترسره شوه چې پکې د اړوندو امارتي ادارو او خصوصي سکتور مختلفو برخو استازو ګډون کړی وو.
په پیل کې د قران عظیم الشان مبارک ایتونه ولوستل شول ورپسې د چاپېریال ساتنې ملي ادارې عمومي رئیس مولوي مطیع الحق خالص د ګډونوالو هرکلی وکړ او د افغانستان د چاپېریالي وضعیت او موجوده چاپېریالي ستونزو په هکله یې هر اړخیزه وینا وکړه.

نوموړي وویل چې د تیرو څو لسیزو جګړو او د نړۍوالو نامسوولانه صنعتي فعالیتونو له کبله د افغانستان چاپېریالي وضعیت ډیر زیانمن شوی، د ډول ډول ناروغیو سربېره افغانان له اقتصادي، کرنیزو، ټولنیزو او چاپېریالي ستونزو سره مخ شوي او موږ ته په کار ده چې دا حالت باید مثبت خواته بوځو او د نننۍ غونډې جوړل یو مثبت اقدام دی.
ښاغلي خالص زیاته کړه زموږ هره برخه چې پرمختګ کوي باید د خلکو ژوند پکې مصئون او محفوظ وي، په هر ډول پرمختګ کې باید زموږ د هېوادوالو روغتیا زیانمنه نه شي. ده زیاته کړه چې د هېواد چاپېریالي وضعیت زیانمن شوی او اقلیمي بدلون رامنځته شوی؛ نو موږ هڅې پیل کړي چې د افغانستان غږ تر نړۍوالو سټیچونو ورسوو، خبره مو یوه وي او په پوره چمتووالي، همغږۍ او منسجم ډول په نړۍوالو کنفرانسونو کې ګډون وکړو.
عمومي رئیس د خصوصي سکتور له استازو غوښتنه چې خپل فعالیتونه معیاري او د چاپېریالي اصولو مطابق ترسره کړي؛ ترڅو د خلکو د تشویش او د هو د اککړتیا لامل نه شي.

د صنعت او سوداګرۍ وزارت سلاکار په خپلو خبرو کې له سوداګرو غوښتنه وکړه چې په تکنالوژۍ، د نیالګو په کېنولو او د شنو ساحو د پراختیا په برخه کې باید پانګونه وکړي.
 د غونډې په لړ کې د دې ادارې د اقلیمي بدلون رئیس روح الله امین په چاپېریالي پروګرامونو او برنامو کې د خصوصي سکتور د ونډې او همداراز په COP-30 نړۍوال کنفرانس کې د خصوصي سکتور د پلاوي د ګډون په تړاو هر اړخیز معلوماتي پرزنټېشنونه وړاندې شول.

همداراز د دې ادارې د طبیعي میراثونو د ساتنې او انکشاف پایدار رئیسانو هم ویناوې وکړې، ازاد بحث ترسره شو او ګډونوالو خپل وړاندېزونه او نظرونه وړاندې کړل او غونډه د دعایې په لوستلو پای ته ورسېده.

Oct 22, 2025