وروستی
میدان وردګو کې د اقلیمي بدلون سره د سازښت په تړاو د ظرفیت لوړونې ۳ورځنی ورکشاپ پای ته ورسیده
۱۴۴۷ کال
د جمادي الاول ۲۲مه/
میدان وردګ
د چاپېریال ساتنې ملي ادارې له لوري په میدان وردګو ولایت کې
د اقلیمي بدلون سره د سازګارۍ پلان جوړولو لپاره د ظرفیت لوړونې درې ورځنی مشورتي
ورکشاپ پای ته ورسېده.
په دې ورکشاپ کې د میدان وردګو ولایت د چاپېریال ساتنې رئیس
او کارکوونکو، د اړوندو امارتي او غیر امارتي ادارو مسوولینو ګډون کړی وو.
د مراسمو په جریان کې د میدان وردګو ولایت د چاپېریال ساتنې
رئیس مولوي الله محمد ذاکر د اقلیمي بدلون په هکله خبرې وکړې او زیاته یې کړه: اقلیمي
بدلون یوه نړیواله ستونزه ده چې زموږ هیواد هم له دې تاثیراتو څخه خوندي نه دی. موږ
باید د اقلیمي بدلون پر وړاندې خپلې هڅې پراخې کړو او د چاپېریال ساتنې اړوند په بیلابیلو
برخو کې عملي ګامونه پورته کړو.
نوموړي په خپلو خبرو کې د اړونده ادارو استازو ته سپارښتنه
وکړه چې د دې درې ورځني ورکشاپ په ترڅ کې ترلاسه شوي موضوعات په عمل کې تطبیق کړي
او هڅه وکړي چې در سپارل شوي مسؤولیتونه په خورا دقت او ایماندارۍ سره ترسره کړئ.
د اجنډا مطابق د چاپیریال ساتنې ملي اداري او رها مؤسسې
کارپوهانو له لوري ګډونوالو ته معلوماتي پرزنټیشنونه وړاندې شول.
همدارنکه
د ګروپي کارونو له لوري په میدان وردګو ولایت کې د اقلیمي بدلون له امله د را منځته
شویو خطرونو پر وړاندی لازم معلومات ورکړل شول ترڅو په ولایتي پلان کې شامل شي.
