وروستی
د چاپېریال ساتنې ملي ادارې عمومي رئیس: محصلین او ځوانان دي په چاپېریال ساتنه کې خپل مسؤلیت ادا کړي
۱۴۴۷کال د
جمادي الثاني ۵مه/
کابل
د چاپېریال ساتنې ملي ادارې عمومي رئیس مولوي مطیع الحق خالص
نن چهارشنبه د ۱۴۰۴کال
د لیندۍ په ۵مه نېټه
د کاتب پوهنتون له استاد سیدمحمد عالمي او یو شمېر محصلینو سره د ادارې د بند امیر
د غونډو تالار کې وکتل.
په دې کتنه کې عمومي رئیس د چاپېریال ساتنې د اهمیت په هکله
محصلینو ته هر اړخیز معلومات ورکړل او یو لړ مهمې سپارښتنې یې ورته وکړې.
د چاپېریال ساتنې ملي ادارې عمومي رئیس مولوي مطیع الحق خالص
د چاپېریال ساتنې د ارزښت په هکله محصلینو ته هر اړخیزه وینا وکړه او له محصلینو یې
وغوښتل چې په چاپېریال ساتنه او د هېواد په سمسورتیا کې باید برخه واخلي.
ښاغلي خالص وویل: ټول ژوندي موجودات سالم چاپېریال ته ضرورت
لري او دا زموږ ټولو مسوولیت دی چې چاپېریال ساتنې ته پاملرنه وکړو.
عمومي رئیس محصلینو ته لازمې سپارښتنې وکړې او غوښتنه یې ترې
وکړه چې بامسوولیته اووسي، د ټولنې او هېواد د پیاوړتیا لپاره باید هلې ځلې وکړي.
ورپسې
د کاتب پوهنتون استاد سیدمحمد عالمي هم د چاپېریال ساتنې د ارزښت په هکله خبرې وکړې.
ده وویل: چاپېریال ساتنه د الله تعالی د بندهګۍ یوه برخه ده او زموږ ژوند له چاپېریال
سره تړلی؛ نو په همدې خاطر باید ورته جدي پاملرنه وکړو.
نوموړي وویل چې ځوانان باید له اړوندو ادارو سره اوږه په اوږه
کار وکړي او چاپېریال ساتنه چې یو الهي امانت دی باید جدي پاملرنه ورته وکړو.
د غونډې په لړ کې محصلینو ته د چاپېریال ساتنې ملي ادارې د پېژندني،
تقنيني اسنادو او فعالیتونو په هکله د دې ادارې د پلان او پالیسۍ د رئیس اجمل
مرتضایې له لوري معلوماتي پرزنټېشن وړاندې شو او په پای کې محصلینو د مسلکي ریاستونو
د کارونو له څرنګوالي څخه لیدنه وکړه.
