وروستی
کابل او پکتیکا کې ۱۸تنه ښکاریان د قانون منګولو ته وسپارل شول
۱۴۴۷ کال
د جمادي الثاني۲۷نېټه/
کابل-پکتیکا
د ښکار د مخنیوي او وحشي ژوو د ساتنې په موخه د کابل او پکتیکا
ولایتونو د چاپېریال ساتنې ریاستونو مفتشینو له لوري ۱۸ تنه ښکاریان ونیول شول او د
قانون منګلولو ته وسپارل شول.
کابل ښار کې د چاپېریالي چارو مفتشینو له لوري یو تن ښکاري چې
د پروان ولایت د چاریکارو ولسوالۍ اړوندو سیمو کې یې د قزلاق په نوم وحشي مرغۍ ښکار
کړې وې او د خرڅلاو په موخه یې بازار ته راوړې وې، د مفتشینو لخوا ونیول شو؛ له
نوموړي کس څخه لیکلې ژمنه واخیستل شوه چې نور به له ښکار څخه ډډه کوي او که بیاځلي
ونیول شو قانوني چلند به ورسره وشي.
همداراز د پکتیکا ولایت د چاپېریال ساتنې ریاست مسوولینو د
رضاکارانو او امنیتي ارګانونو په همکارۍ د شخېل اباد ولسوالۍ کې (۱۷) تنه ښکاريان د ښکار له وسایلو
سره ونيول، د ښکار وسایل یې ضبط او د قانوني اجراتو په موخه اړونده امنیتي ارګانونو
ته وسپارل شول؛ ترڅو قانوني چلند ورسره وشي.
د ریاست الوزراء عالي مقام د حکم په اساس ټول افغانستان کې د
وحشي ژوو، مرغانو او کبانو ښکار بند دی؛ که هرچا له دې امر څخه سرغړونه وکړه له
قانوني چلند سره به مخ شي.
