وروستی
لغمان او خوست کې د طبي زبالو د مدیریت په موخه له یو شمېر روغتیایي مرکزونو څارنه وشوه
۱۴۴۷ کال
د رجب المرجب لومړۍ نېټه/ لغمان-خوست
د طبي زبالو د مدیریت او روغتیایي مرکزونو د چاپېریالي وضعیت
د څارنې په پار د لغمان او خوست ولایتونو د چاپیریال ساتنې ریاستونو مفتشتینو له
لوري مهترلام او خوست ښارونو کې د یو شمېر روغتیایي مرکزونو د چاپېریالي وضعیت څارنه
وشوه.
د لغمان مرکز مهترلام کې د چاپېریالي چارو مفتشینو له لوري د
یو شمېر روغتونونو، لابراتوار خونو، معیانه خانو او د غاښونو کلینیکونو د چاپېریالي
وضعیت د څرنګوالي څخه څارنه وشوه او مسؤلینو ته یې د طبي کثافاتو د لارښود مدیریت
مطابق یو لړ سپارښتنې وشوې؛ ترڅو ټولنه کې د ساري او نورو امراضو د خپریدو مخنیوی
وشي. همدارنګه د روغتیایي مراکزو مربوطه څانګو ته د طبي پاتې شونو د مدیریت لارښودونه
ورکړل شول؛ ترڅو تولید شوې طبي پاتې شونې د لارښود مطابق له منځه یوسي.
خوست ښار کې د نظارتي ټیم له لوري د جهاد افغان په نوم د طبي
زبالو سوځولو انسینراټور د چاپېریالي وضعیت څارنه او ارزونه ترسره شوه.
د نظارت په جریان کې د کاري ساحې محیطي حفظ الصحې ساتلو، د
خوست ښار روغتیایی مراکزو څخه د طبي کثافاتو انتقالولو او د کاري ساحې عمومي چاپیریالي
وضیعت ساتلو ارزونه وشوه او مسوولینو ته یې جدي سپارښتنه او توصیه وشوه چې موجوده
چاپېریالي نېمګړتیاوې اصلاح او خپل فعالیت د چاپېریالي اصولو
مطابق ترسره کړي.