وروستی
خوست کې د طبي زبالو د تنظیم کمېټې نوبتي غونډه وکړه
۱۴۴۷ کال
د رجب المرجب لومړۍ نېټه/ خوست
د طبي زبالو د تنظیم او مدیریت په موخه د خوست ولایت د چاپیریال
ساتنې رئیس قاري شریف الله مهاجر په مشرۍ د طبي زبالو د محوې او تنظیم کمېټې نوبتي
غونډه ترسره شوه.
غونډه
د یو تن ګډونوال لخوا د قرآنکریم د مبارکو آیتونو په تلاوت سره پیل شوه، ورپسې د
اجنډا له مخې د غونډې ګډونوالو اړونده موضوعات مطرح کړل. په غونډه کې د خوست ولایت
په کچه د روغتیايي مرکزونو د زبالو مدیریت او د تولید شویو کلینیکي زبالو د محوې
په اړه نظریات تبادله شول او پریکړه وشوه چې د طبي زبالو مدیریت لپاره بايد د خوست
ښاروالۍ ریاست لخوا انسنراتور نصب شي، د جهاد افغان طبي زبالو انسنراتور مسوولين د
خوست ښاروالۍ ریاست سره په تفاهم باید کاري فعالیت شروع کړي.
په پای کې له ټولو صحي اړونده مسولینو څخه غوښتنه وشوه چې د
طبي زبالو د چاپېریالي جوازونو د توزیع او د انسینراتور له مسولینو سره هر اړخیزه
همکاري وکړي، ترڅو د خوست ولایت په کچه د طبي زبالو مدیریت او کنټرول په اغېزناک ډول
ترسره شي او د ساري ناروغیو د انتقال او خپریدو مخه ونیول شي او همدارنګه د طبي
زبالو تنظيم او محوې کميټې استازي په ټاکلي وخت په غونډه کې ګډون وکړي.