وروستی
خوست او سمنګان کې سلګونو زدهکوونکو ته عامه پوهای ورکړل شو
۱۴۴۷ کال د رجب المرجب ۸ېټه/خوست-سمنګان
زده کوونکو کې د چاپېریال ساتنې فرهنګ ترویج په موخه د خوست
او سمنګانو ولایتونو د چاپېریال ساتنې ریاستونو د عامه پوهاوي ټیمونو له لوري سلګونو
طالب العلمانو او زده کوونکو ته د مختلفو چاپېریالي مسایلو په هکله عامه پوهاوی
ورکړل شو.
د خوست مرکز اړوند د جامعه الحقانيه مدرسې طالب العلمانو ته
د چاپېریال ساتنې، ککړتيا د مخنيوي او فردي حفظ الصحې رعایت په موخه عامه پوهاوی
ورکړل شو.
همدا راز د سمنګانو مرکز ایبک ښار کې د مشعل ښوونیز مرکز ۱۰۰تنو زدهکوونکو ته د اسلام له
نظره د اوبو د اهمیت، د هواککړتیا د اضرارو، د ځنګلونو د اهمیت او ساتنې په هکله
هر اړخیز معلومات او عامه پوهاوی ورکړل شو.
په پای کې زدهکوونکي چاپېریال ساتنې ته وهڅول شول او سپارښتنه
ورته وشوه چې یاد شوي معلومات تر نورو ورسوي.