وروستی
ولایتونو کې د مختلفو فعالیتونو له څرنګوالي نظارت ترسره شو
۱۴۴۷ کال د رجب المرجب ۸ېټه/ننګرهار-لغمان-پکتیکا-خوست-ارزګان
په فعالیتونو کې د چاپېریالي اصولو د تطبیق او هواککړتیا
راکمولو په پار د ننګرهار، لغمان، پکتیکا، خوست او ارزګان ولایتونو د چاپېریال
ساتنې ریاستونو مفتشینو له لوري د معدنونو د استخراج او مختلفو فعالیتونو د چاپېریالي
وضعیت څارنه او ارزونه وشوه.
د ننګرهار شیرزادو ولسوالۍ اړوند کودیخلو ساحه کې د مشریقوال
افغان په نوم د وایټ مرمر ډبرو د استخراج او پروسس شرکت د چاپېریالي چارو څارنه او
ارزونه وشوه، موجوده نېمګړتیاوې یې مسوولینو ته په ګوته شوې او د چاپېريالي شرايطو
د لا ښه تطبيق او ککړتيا د راکمولو او مخنیوي په پار ورته لازمې سپارښتنې وشوې.
د لغمان ولایت د چاپیریال ساتنې ریاست د نظارت او تفتیش ټیم
له لوري د نصیب معروف ساختماني موادو د پروسس شرکت څخه د چاپیریال ساتنې اهدافو د
ترلاسه کولو لپاره نظارت ترسره کړ، یاد معدن چې مرکز اړوند لغمان پوهنتون شاته درې
سرې سیمه کې موقیعت لري، څه موده وړاندې د چاپیریالي وضعیت د ارزونې راپور یې جوړ
او ورته اجازه لیک توزیع شوې وه.
د نظارت پر مهال مسؤلینو ته د ځمکې تخریب، د ژوو او نباتانو
د زیانمن کیدو د مخنیوي، د غږیزې، هوا،خاورې او اوبو ککړتیا د راکمولو او مخنیوي
په موخه یو لړ سپارښتنې وشوې.
د پکتیکا ولایت د چاپيريال ساتنې رئيس مولوي محمد سجاد خان
وقاص په مشرۍ نظارتي ټیم له لوري مرکز ښرنې اړوند لومړۍ ناحیه کې د (۱۵) مختلفو اصنافو څخه د حفط الصحې
مراعتولو او چاپېريالي شرایطو د ښه تطبیق په موخه نظارت ترسره شو.
د خوست ښار دویمې ناحیې اړوند سیمه کې د ۱۱هوټلونو او نانوایانو له فعالیتونو
څارنه وکړه؛ همداراز د ارزګان مرکز ترینکوټ کې د (۲۰) مستريخانو د فعالیتونو څارنه
وشوه.
د چاپېریالي چارو مفتشینو له لوري د یادو فعالیتونو مالکينو
او کارکوونکو ته د محیطي حفظ الصحې
مراعتولو او چاپېریالي اصولو د تطبیق په هکله عامه پوهاوی ورکړل شو او لازمې سپارښتنې ورته وشوې.