وروستی
ولایتونو کې د مختلفو فعالیتونو څارنه او ارزونه وشوه
۱۴۴۷ کال د رجب المرجب ۱۵نېټه/خوست-غزنی-زابل-لغمان
د خوست، غزني، زابل او لغمان ولایتونو د چاپېریال ساتنې ریاستونو
نظارتي ټیمونو له لوري د مختلفو تولیدي شرکتونو او اصنافو د فعالیتونو له څرنګوالي
او چاپېریالي وضعیت د ارزونې په موخه څارنه وشوه.
د خوست ولایت د چاپېریال ساتنې رئیس قاري شریف الله مهاجر په
مشرۍ نظارتي ټیم له لوري د خوست ښار څلورمې (۴) ناحیې اړوند ازادې مینې سیمه کې د د نثار پلاستیکي
توکو، الهام وینځونکو توکو او رنګ جوړولو
تولیدي شرکتونو د فعالیتونو د څرنګوالي او
یو شمېر کلچهپزیو څخه نظارت ترسره شو. همداراز د خوست ښار څلورمې ناحیې اړوند
دولس سوه فامیلیو سیمه کې د پخوانیو ونو د ساتنې، تخریب او قطع کیدو د مخنیوي په
پار د سړکونو د غاړو ویالو د اساسې جوړونې
چارو څخه نظارت او ارزونه وشوه او د شرکت مسؤل سره ته د چاپیریال قانون او اصولو د
رعایت، د شنو ونو د ارزښت او اهمیت په اړه مفصل مالومات او پوهاوی ورکړل شو.
غزني ښار کې د چاپېریالي چارو مفتشینو له لوري د ککړتیا
راکمولو، مخنیوي او حفظ الصحې ساتنې په موخه د مستريانو له ۴ سرايونو؛ زابل مرکز قلات کې د
یو شمېر هوټلونو څخه نظارت ترسره شو او همداراز د لغمان مرکز مهترلام کې په کرنیزو
ځمکو، د سیند په غاړه او باغونو کې د فاضلابو د تخلیه کولو مخه ونیول وشوه.
د څارنې په لړ کې د یادو فعالیتونو مسوولینو ته د فردي او محیطي
حفظالصحې د ساتنې، د ککړتیا راکمولو او مخنیوي، د کاري چاپېریال پاک ساتنې، د چاپېریالي
اصولو د تطبیق او رعایت په هکله پوهاوی او لازمې سپارښتنې وشوې.