وروستی
په لغمان ولایت کې د چاپېریالي ستونزو د حل په موخه د همغږۍ ناسته ترسره شوه
١٤٤٧کال د رجبالمرجب ٢٤مه/ لغمان
د لغمان ولایت د چاپېریال ساتنې ریاست په نوښت، د مرستیال
والي په دفتر کې د سکتوري ادارو ترمنځ د چاپېریالي ستونزو د حل په موخه د همغږۍ
ناسته ترسره شوه.
په دې ناسته کې د لغمان مرستیال والي حافظ انځرګل عبدالله، د
چاپېریال ساتنې رئیس حاجي احمد شاه ابراهیم او د اړوندو سکتوري ادارو رئیسانو ګډون
درلود.
ناسته د قرآنکریم د مبارکو آیتونو په تلاوت پیل شوه. د چاپېریال
ساتنې رئیس چاپېریال ساتنه ګډ ملي مسؤلیت وباله او له ټولو ادارو یې وغوښتل چې د
چاپېریالي ستونزو د پر وخت حل لپاره له یاد ریاست سره پوره همغږي ولري.
نوموړي د ښار دننه د پارکونو وضعیت، د طبي کثافاتو ناسم
انتقال، د قصابانو ستونزې، غیرمعیاري سپټیک څاګانې، د فاضلابو ټانکرونو ناقانونه
فعالیت او د چرګانو فارمونو نامناسب چاپېریال د مهمو ستونزو په توګه یاد کړل او د
حل لپاره یې د اړوندو ادارو د همکارۍ غوښتنه وکړه.
ګډونوالو د همغږۍ پر پیاوړتیا ټینګار وکړ او ژمنه یې وکړه چې
د چاپېریال ساتنې ریاست سره به په ګډه د یادو ستونزو د حل لپاره کار کوي. مرستیال
والي هم سکتوري ادارو ته هدایت وکړ چې د ولس د غوره خدمتونو او چاپېریالي خوندیتوب
لپاره له اړوندو ادارو سره په بشپړه همغږۍ عمل وکړي.