وروستی
د چاپېریال ساتنې ملي ادارې مالي او اداري معین د UNDP له مسوولینو سره وکتل
۱۴۴۷کال د رجب المرجب ۲۵مه/ کابل
د چاپېريال ساتنې ملي ادارې مالي او اداري معین مولوي
سعدالدین سعید په مشرۍ نن پنجشنبه د ۱۴۰۴کال
د جدي په ۲۵مه
نېټه د هغه په کاري دفتر کې د ملګرو ملتونو د پراختیایي دفتر
(UNDP) له تخنیکي ټیم سره وکتل.
په پیل کې د (UNDP) تخنیکي
ټیم په استازیتوب ښاغلي تمام یحی خبرې وکړې او د خپلو فعالیتونو په تړاو یې
معلومات ورکړل او د پروژو د تطبیق په دې برخه کې یې د چاپېریال ساتنې ملي ادارې
څخه د همکارۍ غوښتنه وکړه.
د دې ادارې مالي او اداري معین مولوي سعدالدین سعید د (UNDP) تخنیکي ټیم ته هرکلی ووایه او
سپارښتنه یې ورته وکړه چې چاپېریالي پروژې باید په اغېزمنه توګه تطبیق شي.
نوموړي وویل چې افغانستان د اقلیمي بدلون له ناوړه اغېزو څخه
زیاته اغیزمن شوی، دا یو بشري ناورین دی او نړۍوال باید په دې برخه کې له
افغانستان سره مرستې وکړي.
ښاغلي سعید ډاډ ورکړ چې د چاپېریال ساتنې ملي اداره د
چاپېریالي پروژو د تطبیق په برخه کې له ټولو مؤسسو سره همکاره ده.
د (UNDP) تخنیکي
د CLLF پروژې
د تطبیق په هکله معلومات ورکړل او ویې ویل چې تمه ده کوچنۍ چاپېریالي پروژې هم پیل
شي.
په پای کې د دې ادارې مالي او ادارې معین د ملګرو ملتونو د
پراختیایي پروګرام له مسوولینو وغوښتل چې له دې ادارې سره دې په ګډه له نړۍوالو
مالي میکانیزمونو څخه د فنډونو د ترلاسه
کولو په برخه کې هلې ځلې وکړي.