وروستی
ننګرهار او خوست کې د یو شمېر فعالیتونو څارنه او ارزونه وشوه
۱۴۴۷ کال د رجب المرجب ۲۸مه/ننګرهار-خوست
فعالیتونو کې د چاپېریالي اصولو د تطبیق په پار د ننګرهار او
خوست ولایتونو د چاپېریال ساتنې ریاستونو نظارتي ټیمونو له لوري د یو شمېر فعالیتونو
د چاپېریالي وضعیت څارنه او ارزونه ترسره شوه.
د چاپېریالي چارو مفتشینو له لوري جلال آباد ښار کې د یو شمېر
هوټلونو او قصابیو د فعالیتونو چاپیریالي وضعیت و ارزول شو. هټۍوالو او قصابانو ته
د چاپېریال ساتنې په هکله عامه پوهاوی ورکړل شو او سپارښتنه ورته وشوه چې خپل فعالیتونه
د چاپېریالي اصولو مطابق عیار او ترسره کړي.
د خوست ولایت د چاپېریال ساتنې رئیس قاري شریف الله مهاجر په
مشرۍ نظارتي ټیم له لوري د خوست مرکزي مسلخ؛ د بهادر شاه برادر په نوم د غیر
الکولي مشروباتو، شیدو، مربا، ملایي او
خوراکي توکو تولیدي شرکت او همداراز د ازمون په نوم د مایع غواړیو د بسته
بندۍ شرکت د چاپېریالي وضعیت څارنه او ارزونه وشوه.
دا ارزونه د فردي او محیطي حفظالصحې، د ککړتیا عواملو تشخیص،
د ککړونکو منابعو موندلو او د هغوی د کنټرول او مخنیوي په موخه تر سره شوه.
د ارزونې پر مهال د یادو فعالیتونو موجوده ستونزې او نیمګړتیاوې
په نښه شوې او اړونده مسؤولینو ته د چاپېریالي اصولو په رڼا کې مشخصې لارښوونې او
سپارښتنې وشوې.