وروستی
د خلکو د عامه پوهاوي کچې لوړولو په موخه ولایتونو کې مختلفې برنامې ترسره شوې
۱۴۴۷ کال د شعبان ۸ نېټه/ پکتیا-خوست-لغمان-کونړ
د چاپېریالي مسایلو په تړاو د خلکو د عامه پوهاوي کچې لوړولو
په پار د پکتیا، خوست، لغمان او کونړ ولایتونو د چاپېریال ساتنې ریاستونو د عامه
پوهاوي ټیمونو له لوري سلګونو تنو ته د عامه پوهاوې برنامې ترسره شوې.
د پکتیا مرکز ګردیز کې د ملي اکاډمي یو شمېر زدهکوونکو ته د
ښکار د مخنیوي او مرغانو د ساتنې په هکله د عامه پوهاوي یو ورځنۍ برنامې په ترڅ کې
معلومات ورکړل شول.
د خوست ولایت د چاپېریال ساتنې رياست د عامه پوهاوي ټيم
لخوا د نورالبصر خصوصي لېسې زده کوونکو ته
د چاپېريال ساتنې او ککړتيا د مخنيوي په هکله پوهاوی ورکړل شو.
د لغمان ولایت د چاپیریال ساتنې ریاست د عامه پوهاوي ټیم له
لوري د چاپیریالي اصولو د پلي کیدو، د حفظ الصحې مراعتولو او چاپېریال ساتنې فرهنګ
د ترویج په پار قصابانو ته عامه پوهاوی ورکړل شو.
کسبګرو ته د چاپيریال ساتنې، شخصي حفظ الصحې، د اوبو او خاورې
د ککړتیا پر لاملونو او په ټولنه کې د یادو ککړتیاوو له امله رامنځته کیدونکو نارغیو
د خپریدو په هکله مالومات وړاندې شول.
د کونړ ولایت د چاپېریال ساتنې رئیس ډاکټر محمد رحمن صابر په
مشرۍ د عامه پوهاوي ټیم له لوري د ملګرو ملتونو د پراختیايي پروګرام (UNDP) مسؤلینو سره یو ځای د شیګل
ولسوالۍ قومي مشرانو، ځوانانو، او کلیوالو ته د
CCLF پروژې په اړه معلومات وړاندې شول.
قومي مشرانو او ځوانانو ته سپارښتنه وشوه چې د ځنګلونو او
اقلیمي بدلون د ناوړو اغېزو د مخنیوي په اړه د عامه پوهاوي پروګرامونو کې ګډون وکړي
او د ځنګلونو په ساتنه کې فعاله ونډه واخلي.