وروستی
هلمند او زابل کې د همغږۍ او ګډې همکارۍ په پار مشورتي غونډې وشوې
۱۴۴۷ کال د شعبان ۱۰نېټه/ هلمند-زابل
د هلمند او زابل ولایتونو د چاپېریال ساتنې ریاستونو له لوري
د ۱۴۰۵کال د
نیالګیو کېنولو ملي کمپاین او طبي زبالو د تنظیم او کنټرول په پار د اړوندو ریاستونو
له مسوولینو سره د همغږۍ غونډې وشوې.
د هلمند ولایت د چاپیریال ساتنې ریاست کې د اقتصاد، ښاروالۍ،
زراعت، اطلاعات اوکلتور، ارشاد حج اوقاف، هلمند پوهنتون او بُست خصوصی پوهنتون له
استازو سره د ۱۴۰۵کال
د نیالګیو کېنولو ملي کمپاین په تړاو مشورتي غونډه وشوه.
په یاده غونډه کې راتلونکي پسرلي کې د نیالګیو کېنولو په څرنګوالي،
د نیالګیو د ساتنې او پالنې او همداراز د اړوندو ریاستونو پر ونډو او مسوولیتونو
هر اړخیز بحث او خبرې وشوې.
د زابل ولایت د چاپېریال ساتنې رئيس په مشرۍ د طبي زبالو د
تنظیم او کنټرول په موخه د دریمې ربعې مشورتي غونډه ترسره شوه.
په دې غونډه کې د اړوند ریاستونو استازو ګډون کړی وو چې د
طبي زیانونو د زیانونو په هکله یې هر اړخیز بحث وکړ او پریکړه وشوه چې طبي زبالې
باید په ځانګړو ځایونو کې له منځه یوړل شي.