وروستی
د هېواد په بېلابېلو ولایتونو کې د فعالیتونو چاپېریالي ارزونې ترسره شوې
١٤٤٧کال د شعبان ٢٢مه ولایات
د چاپېریال ساتنې ملي ادارې اړوندو ریاستونو د ارزګان،
بغلان، بادغیس، کندهار او سرپل ولایتونو کې د چاپېریال ساتنې د قوانینو د تطبیق، د
ککړتیاوو د مخنیوي او د عامه پوهاوي د لوړولو په موخه پراخ نظارتي او همغږيکوونکي
فعالیتونه ترسره کړي دي.
په دې لړ کې د ښارونو د بېلابېلو اصنافو لکه موټرشویانو،
رستورانتونو، نانوایانو، سلمانیو، حمامونو او تولیدي فعالیتونو څارنې شوې، اړینې
سپارښتنې ورکړل شوې او له یو شمېر متخلفو فعالیتونو څخه د قانون مطابق تعهدات اخیستل
شوي دي.
همداراز د چاپېریالي جوازونو د تمدید په برخه کې اړوند
اصناف ریاستونو ته را بلل شوي دي.
بلخوا د بادغیس ولایت کې د چاپېریالي همغږۍ کمېټې لومړۍ غونډه
جوړه شوې چې پکې د نهالشانۍ کمپاین، د اوبو مدیریت، د ککړتیا کنټرول او د اقلیمي
بدلونونو سره د سازګارو پروژو پر تطبیق بحث وشو.
په کندهار ولایت کې د دامان ولسوالۍ د جیکانو د غرونو د چاپېریالي
وضعیت د ارزونې په موخه ساحوي لیدنه ترسره شوې، ښکاریز دامونه له منځه یووړل شول
او خلکو ته عامه پوهاوی ورکړل شو.