وروستی
خوست کې د نیالګیو کینولو او او میدان وردګو کې د طبي پاتی شونو د تنظیم غونډه ترسره شوه
۱۴۴۷ کال د شعبان ۲۳نېټه/ خوست، میدان وردګ
د پاک او زرغون چاپیریال د رامنځته کولو په موخه د خوست او
میدانو وردګو ولایتونو چاپیریال ساتنې ریاست مسؤلینو د بیلابیلو امارتي او غیري
امارتي استازو سره د همغږۍ غونډې ترسره کړې.
د خوست چاپېریال ساتنې رئیس ښاغلي قاري شریف الله مهاجر په
مشری، د خوست ولايت په کچه د امارتي او غیر امارتي ادارو مسؤلینو سره د همغږۍ غونډه
د یاد ریاست په مقام کې جوړه شوه.
ښاغلي مهاجر د غونډې پرانيستې وینا وړاندې وکړه، د نيالګيو
ارزښت او په ګډ کار باندې يې خبرې وکړې او ټول امارتي او غیري امارتي ادارې یې د نیالیګیو
په کمپاین کې مرستې ته وهڅول.
وروسته
د زراعت، د ښاروالۍ, اطلاعاتو او کلتور او د حج اوقافو رياستونو او د ACBAR موسسې استازې په دغه کمپاین
په خپله برخه کې په همکارۍ او ګډ کار خبرې وکړې.
د نظرونو له تبادلې وروسته پرېکړه وشوه چې د همغږۍ دا ډول
غونډې باید جاري وساتل شي ، او په ګډه به د یو پاک، سالم او شین چاپېریال د رامنځته
کولو لپاره اغېزناک فعالیتونه تر سره کوي.
د میدان وردګو ولایت د چاپېریال ساتنې رئیس مولوي الله محمد ذاکر په مشرۍ د طبي پاتې شونو
د تنظیم نوبتي غوڼده ترسره شوه.
ښاغلي ذاکر په دغه غونډه کې وویل: طبي پاتی شونی ډیر خطرناک دي، بايد د عادي
زبالو څخه جلا او په خاص ځای کې له منځه
يوړل شي، د بې ځايه غورځېدو مخنيوی یې وشي، ځکه ګڼې روغتيايي ستونزې رامنځته کوي
او د چاپیریال د ککړتیا سبب ګرځي.
دغه
راز نوموړي د اړوندو ادارو استازو څخه چې د دې کمېټې غړي دي غوښتنه وکړه ترڅو دطبي
پاتی شونو د تنظيم په برخه کې خپل مسؤليت په ښه توګه ترسره کړي.