وروستی
لغمان کې د نیالګیو کېنولو ملي کمپاین پر دوام د ۸۰۰۰نیالګیو کېنولو بهیر پیل شو
۱۴۴۷ کال د رمضان لومړۍ نېټه/ لغمان
د لغمان ولایت د چاپیریال ساتنې ریاست او ښاروالۍ ریاستونو
په ګډه همکارۍ د ښاروالۍ په انګړ کې نن چهارشنبه د ۱۴۴۷کال د رمضان مبارکې میاشتې په
لومړۍ ورځ د نیالګیو کینولو ملي کمپاین پر
دوام د (۸۰۰۰) نیالګیو
کېنولو بهیر پیل شو.
په دې مراسمو کې د لغمان ولایت د چاپیریال ساتنې رییس حاجي
احمد شاه"ابراهیم" د ښاروالۍ ریاست رییس مولوي رحمت
الله"شهامت" سربیره د یادو ریاستونو آمرینو او مدیرانو برخه اخیستې وه.
د لغمان ولایت د چاپيريال ساتنې رییس وویل:( هر کال د
چاپيريال ساتنې ملي ادارې لخوا د نيالګيو کینولو ملي کمپاین لپاره شعار ټاکل کیږي
چې سږ کال (د ځمکې احیا د پیغمبر ص د سنتو څخه ده) شعار ټاکل شوی ده، هغه زیاته کړه هېوادوال باید یو نیالګی د ځان او یو نیالګی د
هېواد د ابادۍ لپاره کینوي او په ساتنه کې یې خپل ملی مسولیت ادا کړي؛ تر څو د هوا
د ککړتیا د راکمولو او مخنیوی ترڅنګ د اقليم بدلون ناوړه اغیزې را کمې شي.
د یادونې وړ ده چې سږ کال په لغمان ولایت کې د کرنې ریاست، د شخصي قوریه دارانو او موسساتو لخوا ٧٦
زره مثمر او غیر مثمر نیالګي کینول شوې دي، چې د هغه پر دوام نن د لغمان
ښاروالۍ له لوري هم د ( ٨٠٠٠) نیالکیو کینولو بهیر پیل شو.