وروستی
ولایتونو کې د یو شمېر فعالیتونو د چاپېریالي وضعیت څارنه وشوه
۱۴۴۷ کال
د رمضان ۴نېټه/هلمند-میدان
وردګ-خوست
د میدان وردګو، هلمند او خوست ولایتونو د چاپېریال ساتنې ریاستونو
نظارتي ټیمونو له لوري د چاپېریالي اصولو د تطبیق په پار د یو شمېر فعالیتونو د څرنګوالي
څارنه وشوه.
د میدان وردګو ولایت د چاپېریال ساتنې ریاست نظارتي ټیم له
لوري مرکز میدانښار کې د شاه محمود په نوم د پلاستیک جوړولو فابریکې د فعالیتونو څخه
نظارت ترسره شو.
د هلمند په لښکرګاه کې د مالدارۍ له یو شمېر فارمونو او
خوست ښار کې د یو شمېر قصابیو څخه د فردي حفظ الصحې د ساتنې او چاپېریالي وضعیت د
ارزونې په موخه څارنه وشوه.
د چاپېریالي چارو مفتشینو له لوري د یادو فعالیتونو مسوولینو
ته د چاپېریال قانون، اصولو او مقرراتو په هکله معلومات او پوهاوی ورکړل شو،
موجوده چاپېریالي ستونزې ورته په ګوته شوې او سپارښتنې ورته وشوې چې چاپېریال ساتنې
ته جدي پاملرنه وکړي او همداراز خپل ټول فعالیتونو د چاپېریالي اصولو مطابق عیار
او ترسره کړي.