وروستی
د نیالګیو کېنولو ملي کمپاین پر دوام هلمند پوهنتون کې نیالګي کېنول شول
۱۴۴۷ کال
د رمضان ۴نېټه/هلمند
د نیالګیو کېنولو کمپاین پر دوام هلمند پوهنتون کې د څیړنیزو
باغونو جوړولو په موخه د زینتي بوټو او میوه لرونکي نیالګي کېنول شول.
په همدې مناسبت جوړو شوو مراسمو کې د هلمند ولایت د چاپېریال
ساتنې رئیس، هلمند پوهنتون رئیس، کرنې پوهنځي رئيس د یاد پوهنتون استادانو، محصلینو
او مامورینو ګډون کړی وو.
غونډه د قرانکریم په مبارکو ایاتونو پیل شوه ورپسې د هلمند
پوهنتون رئیس شیخ مولوي شریف الله ابو احمد د ګډونوالو هرکلی وکړ او په خپلو خبرو
کې یې د کرنیز سکتور ښه والی د هیواد د اقتصاد په پیاوړتیا کی مهم وباله او زیاته یې
کړه د چاپیریال ساتنه او ښیرازه کول د ټولو هیوادوالو ګډ مسولیت دی او هلمند
پوهنتون هڅه او کوښښ کوي چې په دغو قوریو کې داسې نیالګي وروزي چې د هلمند له اقلیم
سره توافق ولري.
د هلمند ولایت د چاپیریال ساتنې رئیس ملا محمدعیسی آغا د یادې
قوریې او نیالګیو کښېنول بهترین ګام وباله او خوښي یې وښوده، نوموړي د نیالګیو کرل
او روزل د اسلام له نظره نیک او د خیر کار وباله او نیالګي کرل یې د چاپیریال د
توازون په ساتلو، پاکې هوا په تولید او اقلیمي بدلون ناوړه اغیزو په کمولو کې
مهم کار وباله.
نوموړي ټینګار وکړ چې چاپیریال ساتنې او زرغونتیا ته به جدي
پاملرنه کوي او هڅه به کوي چې هېوادوالو ته خوندي چاپېریال رامنځته کړي.