وروستی
مرکز او ولایتونو کې د چاپېریالي چارو ارزونې دوام لري
۱۴۴۷ کال د رمضان ۱۲مه نېټه/کابل-خوست-غزني-ارزګان
د چاپېریال ساتنې ملي ادارې مرکزي او ولایتي ریاستونه هڅه
کوي چې هېوادوالو ته پاک او ښېرازه چاپېریال رامنځته کړي؛ په همدې پار د کابل،
خوست، غزني او ارزګان ولایتونو د چاپېریال ساتنې ریاستونو نظارتي ټیمونو له لوري د
مختلفو فعالیتونو د چاپېریالي وضعیت څارنې او ارزونې شوې دي.
د
کابل ولایت د چاپیریال ساتنې ریاست نظارتي ټیم له لوري د مختلفو اصنافو (کلینیکونو،
لابراتوارونو، قصابیو او سیمیان پزیو)؛ د خوست ولایت د چاپېریال ساتنې رئیس په مشرۍ
نظارتي ټیم لهخوا په دریمه ناحیه کې د ۱۲ کلچه پزیو او د ښار مرکزي مسلخ؛ غزني ښار کې د
۳روغتونونو او همداراز ارزګان
کې د ۲۳مختلفو
اصنافو د چاپېریالي وضعیت، طبي زبالو د محوه کولو او فعالیتونو د څرنګوالي څخه څارنه
او ارزونه وشوه.
دا ارزونه د فردي او محیطي حفظالصحې ساتنې، د ککړتیا
عواملو تشخیص، د ککړونکو منابعو موندلو او د هغوی د کنټرول او مخنیوي په موخه
ترسره شوه.
د څارنې لړ کې د چاپېریالي چارو مفتشینو له لوري د ذکر شوو
فعالیتونو مالکینو ته د چاپېریال قانون، اصولو او مقرراتو په هکله معلومات ورکړل
شول او د کثافاتو، فاضله اوبو د مدیریت، د نظافت او پاکوالی، موجوده ستونزو د حل
او شنو ساحو د پراختیا په هکله ورته لازمې سپارښتنې وشوې.