وروستی
د چاپېریال ساتنې ملي ادارې عمومي رئیس د Acted نړيوالې موسسې له مشر او مل پلاوي سره د یوې ناستي په ترڅ کې وکتل
١٤٤٧کال د رمضانالمبارک ١٥مه/ کابل
نن چهارشنبه د چاپېریال ساتنې ملي ادارې عمومي رئیس الحاج
مولوي مطیع الحق خالص په افغانستان کې د
Acted نړيوالې موسسې مشر ښاغلي هانس جوهانسن او ورسره
پلاوي ته په خپل کاري دفتر کې ښه راغلاست ووایه او د هغوی سره یې د روانو فعالیتونو
او پروژو په تړاو بحث او خبري وکړې.
اکټیډ (Acted) چې یوه
نړيواله بشري او پراختیايي موسسه ده د بېلابېلو هېوادونو په کچه د بېړنیو مرستو،
پراختیايي او چاپېریالي پروګرامونو په پلي کولو کې فعالیت کوي.
په دې کتنه کې دواړو لورو د اقليمي بدلون د اغېزو کمولو، د
طبيعي سرچينو د ساتنې، د ځنګلونو د بيا احیا، د کثافاتو د مديريت او د عامه پوهاوي
د پروګرامونو د پیاوړتیا په اړه هر اړخیز بحثونه وکړل.
همدارنګه د Global Environment Facility (GEF) او
د اقليمي بدلون اړوند د Loss and Damage Fund له
تمویل کوونکو سرچینو څخه د مالي ملاتړ د ترلاسه کولو په موخه د چاپېریال ساتنې ملي
ادارې او اکټیډ موسسې ترمنځ د ګډو طرحو او پروپوزلونو د چمتو کولو په اړه هم خبرې
وشوې. ټینګار وشو چې د اقليمي بدلون د اغېزو د کمولو، د طبیعي افتونو د خطر د مدیر
یت او د زیانمنو ټولنو د ملاتړ لپاره باید معیاري او تخنیکي
پروپوزلونه ترتیب او اړوندو نړیوالو تمویل کوونکو ته وړاندې شي.د چاپېریال ساتنې ملي ادارې عمومي رئیس د
نړيوالو بنسټونو همغږي او تخنیکي همکاري د هېواد د چاپېریالي ستونزو د حل لپاره
مهمه وبلله او څرګنده یې کړه چې اداره چمتو ده څو د ګډو پروژو په طرحه او پلي کولو
کې لازمې اسانتیاوې برابرې کړي.
ورته مهال د Acted موسسې
مشر ډاډ ورکړ چې یاد بنسټ به د چاپېریال ساتنې ملي ادارې سره په نږدې همغږۍ خپلې
همکارۍ ته دوام ورکړي او هڅه به وکړي څو د اقليمي بدلون د تمویلونکو میکانېزمونو
له لارې د افغانستان لپاره لازمې سرچینې جذب کړي.
په پای کې دواړو لورو د دوامدارو اړیکو، تخنیکي همکارۍ او ګډو
چاپېریالي پروژو د پیاوړتیا پر دوام ټینګار وکړ، څو د سالم، پاک او پایدار چاپېریال
د تأمین لپاره عملي او اغېزمن ګامونه واخیستل شي.