وروستی
ننګرهار کې د نیالګیو کېنولو، ساتنې او پالنې په تړاو مشورتي غونډې وشوې
۱۴۴۷ کال د رمضان المبارک ۱۸مه نېټه/ننګرهار
د ننګرهار ولایت د چاپېریال ساتنې ریاست له لوري د نیالګیو
کېنولو، ساتنې او پالنې په تړاو له ملکانو، قومي مشرانو او کرنې ریاست له مسولینو
سره مشورتي غوندې وشوې.
د ننګرهار ولایت د چاپېریال ساتنې رئیس قاري احسان الله
مختار په مشرۍ له قومي مشرانو او ملکانو سره مشورتي غونډه وشوه. نوموړي له ګډونوالو
وغوښتل چې د نیالګیو کېنولو لپاره داسې مناسب ځایونه وټاکل شي چې د هوا او اوبو د
ساتنې، د خاورې د تخریب د مخنیوي او د شنو ساحو د دوامداره پالنې امکانات پکې
موجود وي؛ ترڅو کېنول شوي نیالګي په سمه توګه وده وکړي او ساتنه یې وشي.
همداراز د کرنې ریاست له مسوولینو هم د جلغوزي نیالګیو د کینولو
په اړه د همغږۍ غونډه وشوه.
په دې غونډه کې د جلغوزيو نیالګیو کینولو لپاره د مناسبو سیمو
ټاکلو، د هوا اوبو د مناسب ځای د اهمیت، او د راتلونکو عملي ګامونو په اړه مفصل
بحث او د نظرونو تبادله وشوه.ګډونوالو ټینګار وکړ چې د نیالګیو کینول نه یوازې د ځنګلونو
د پراختیا سبب ګرځي، بلکې د اقلیم د بدلون د اغېزو د کمولو، د چاپېریال ساتنې، د
طبیعي سرچینو د خوندي کولو او د اقتصادي ګټو لپاره هم مهم رول لري.
