وروستی
د ازرې ولسوالۍ اوسیدونکو ته د جلغوزیو ۴۰۰۰ نیالګي وویشل شول
۱۴۴۷ کال
د رمضان المبارک ۲۸مه
نېټه/ لوګر
د لوګر ولایت د چاپيريال ساتنې رياست له لوري د ځنګلونو د بیا
احیاء او شنو ساحو د پراختیا په پار د ازرې ولسوالۍ اوسیدونکو ته د جلغوزيو ۴۰۰۰ څلور
زره نيالګي د ازرې ولسوال، د کرنې ریاست استازې او سپينږير په حضور کې وويشل شول.
ياد نيالګي د هغو سيمو اوسیدونکو ته وويشل شول چې پخوا هلته
د جلغوزيو ځنګلونو شتون درلود، له بده مرغه د تيرو تپل شوو جګړو او د ځايي
اوسيدونکو د بيغورۍ له امله له منځه تللي.
د ازرې ولسوالۍ اوسيدونکو
ژمنه وکړه چې دغه نيالګي به په سمه توګه ساتي، سيمه به له څارويو څخه ساتي
او هيچا ته به اجازه نه ورکوي چې د شخصي ګټو لپاره ځنګلونه ووهي.
د یادونې وړ ده چې د چارو ادارې لخوا د ۶میلیونه افغانیو په ارزښت د
جلغوزیو ۴۰زره
نیالګي چې د پغمان ماڼۍ په قوریو کې روزل شوي؛ د چاپېریال ساتنې ملي ادارې ته اهدا
شوي او په اوو ولایتونو (ننګرهار، کونړ، پکتیکا، خوست، لوګر، کاپیسا او پنجشیر)
ولایتونو کې به وکرل شي.