وروستی
هلمند او غزني کې د نیالګیو کېنولو ملي کمپاین پر دوام نیالګي کېنول شول
۱۴۴۷ کال د رمضان المبارک ۲۸مه
نېټه/ هلمند-غزني
د ۱۴۰۵کال د نیالګیو کېنولو ملي کمپاین پر دوام د هلمند او غزني ولایتونو د چاپېریال
ساتنې ریاستونو له لوري په ښوونیزو او عامه ځایونو کې د شنو ساحو د پراختیا او
هواککړتیا راکمولو په موخه نیالګي کېنول شول.
د هلمند ولایت د چاپېریال ساتنې ریاست مسوولینو له لوري لښکرګاه ښار کې د بي ټوون ښوونځې
کې یو شمېر نیالګي کېنول شول، د نیالګیو کېنولو په دغه مراسمو کې زدهکوونکو ته د
نیالګیو د ارزښت په هکله عامه پوهاوی ورکړل شو او سپارښتنه ورته وشوه چې د نیالګیو
ساتنې او پالنې ته پاملرنه وکړه.
همداراز غزني کې د نیالګیو کېنولو کمپاین پر دوام د چاپيريال ساتنې او ښاروالۍ
رياستونو په ګډه همکارۍ تېره ورځ د کابل کندهار عمومي سړک پر غاړو نیالګي کېنول
شول، هېره دې نه وي چې د غزني ښار په مختلفو ساحو کې به د ښېرازۍ د پراختیا په
موخه د نیالګیو کېنولو کمپاین په لړ کې ۱۵زره مختلف نیالګي کېنول شي.