وروستی
ښوونیزو مرکزونو کې د نیالګیو کېنولو ترڅنګ د عامه پوهاوي کمپاین ترسره شو
۱۴۴۷ کال
د شوال۲۰نېټه/
میدان وردګ
د ښوونیزو او دیني مرکزونو د سمسورتیا او ښېرازۍ پراختیا په
پار د میدان وردګو ولایت د چاپېریال ساتنې ریاست (د ځمکې بیارغونه، د پیغمبر (ص)
سنت ده) تر شعار لاندې د نیالګیو کېنولو او عامه پوهاوي کمپاین ترسره شو.
د نیالګیو کېنولو او عامه پوهاوي د دغه کمپاین په لړ کې د میدان
وردګو ولایت د نرخ ولسوالۍ د چغري ښوونځي او د عمرخېلو کلي اړوند محمدیه مدرسې
استادانو او زدهکوونکو ته د نیالګیو د ساتنې او پالنې په هکله د عامه پوهاوي ترڅنګ
په یادو ښوونیزو مرکزو کې سلګونه نیالګي کېنول شول.
د عامه پوهاوی یاد کمپاین په لړ کې د میدان وردګو ولایت د
چاپیریال ساتنې رئیس مولوي الله محمد ذاکر د نیالګیو د اهمیت په اړه خبرې وکړې او
زیاته یې کړه چې ونې او بوټي نه یوازې د چاپیریال په ښکلا کې رول لري بلکې د اقلیمي
بدلون په تعادل ، د چاپیریال په ښکلا او ساتنه او د اکسیجن په تولید کې مهم رول
لري. نوموړي پرګډونوالو غږ وکړ چې د چاپېریال د ښکلا او ساتنې لپاره په خپلو سیمو
کې نیالګي کینوي، ساتنه او پالنه یې وکړي.
