وروستی
د چاپېریال ساتنې ادارې عمومي رئیس د ترکیې د چاپېریال ساتنې له مرستیال وزیر سره وکتل
۱۴۴۷کال
د ذوالقعدې ۵مه/
کابل
قزاقستان هېواد کې د (آستانه سیمه ییزې ایکولوژیکي غونډې)
په لړ کې د ا.ا.ا د چاپېریال ساتنې ادارې عمومي رئیس الحاج مولوي مطیع الحق خالص
او ورسره پلاوي نن چهارشنبه د ۱۴۰۵کال
د ثور په ۲مه
نېټه د ترکیې د چاپېریال ساتنې له مرستیال وزیر سره وکتل.
په دې کتنه کې دواړو خواوو د مهمو چاپیریالي مسایلو په هکله
بحث او خبرې وکړې. د ا.ا.ا د چاپېریال ساتنې ادارې عمومي رئیس د افغانستان د چاپیریال
ساتنې اوسني وضعیت په هکله معلومات وړاندې کړل او د چاپیریال ساتنې په برخه کې یې
د ګډې همکارۍ د پراختیا، د تخنیکي تجربو د تبادلې او همداراز د اقلیم بدلون نړۍوال
کنفرانس (COP31) کې د
افغان پلاوي د ګډون په تړاو چې ټاکل شوې ده په ترکیې کې ترسره شي؛ د همکارۍ غوښتنه
وکړه.
د ترکیې د چاپېریال ساتنې مرستیال وزیر د همکارۍ ژمنه وکړه
او ډاډ یې ورکړ چې د چاپیریال ساتنې په مختلفو برخو کې به له افغانستان سره همکاري
وکړي.
دا
ناسته د دواړو هیوادونو ترمنځ د چاپیریال ساتنې د اړیکو د پیاوړتیا، تخنیکي او
علمي تعاملاتو لپاره د نويو فرصتونو د رامنځته کولو په موخه ترسره شوه.