وروستی
د ا.ا.ا د چاپېریال ساتنې ادارې عمومي رئیس د قزاقستان د ایکالوژۍ او طبیعي سرچینو وزارت له مرستیال سره وکتل
د
١٤٤٧کال د ذوالقعدې٧مه/ آستانه
د افغانستان د ا.ا د چاپېریال ساتنې ادارې عمومي رئیس الحاج
مولوي مطیعالحق خالص د خپل رسمي سفر په ترڅ کې د قزاقستان د ایکالوژۍ او طبیعي
سرچینو وزارت له مرستیال، منصور اوشوربایف
(Mansur Oshurbaev) سره لیدنه او خبرې وکړې.
په دې لیدنه کې د قزاقستان د ایکالوژۍ او طبیعي سرچینو
وزارت مرستیال د سیمهییزې ایکولوژیکي غونډې په ترڅ کې د افغانستان د پلاوي د ګډون
هرکلی وکړ او د سیمې هېوادونو ترمنځ د چاپېریالي همکاریو پر پیاوړتیا یې ټینګار وکړ.
هغه د اقلیمي بدلونونو له امله د رامنځته شویو ننګونو پر وړاندې
ګډه مبارزه یوه بیړنۍ اړتیا وبلله او په دې برخه کې یې د همغږو سیمهییزو پروګرامونو
پر پراختیا ټینګار وکړ.
په مقابل کې د افغانستان د چاپېریال ساتنې ادارې عمومي رئیس
ښاغلي خالص د یادې مهمې غونډې لپاره د افغانستان د پلاوي د رسمي بلنې له امله د
قزاقستان د ولسمشر، د یاد هېواد د ایکالوژۍ او طبیعي سرچینو له وزیر او نورو اړونده
مقاماتو څخه مننه وکړه او د قزاقستان د چارواکو له پاملرنې او ملاتړ څخه یې
قدرداني څرګنده کړه.
نوموړي د داسې سیمهییزو غونډو ګډون د نظرونو د شریکولو، د
تجربو د تبادلې او د څو اړخیزو همکاریو د پیاوړتیا لپاره مهم فرصت وباله.
عمومي رئیس همداراز د افغانستان د چاپېریالي وضعیت په اړه
مفصل معلومات وړاندې کړل او د اقلیمي بدلونونو، وچکالیو او په دې برخه کې د شته ګواښونو
یادونه وکړه.
نوموړي د چاپېریال ساتنې، د تنوع حیات د خوندیتوب او د اقلیمي
بدلونونو پر وړاندې د مبارزې په برخه کې ترسره شوي اقدامات هم تشریح کړل.
په پای کې دواړو لورو د دوهاړخیزو همکاریو پر پراختیا، د
معلوماتو او تخنیکي تجربو پر تبادلې او د چاپېریالي ننګونو پر وړاندې پر اغېزمنې
مبارزې ټینګار وکړ.
دا لیدنه د دواړو هېوادونو ترمنځ د چاپېریالي اړیکو د پیاوړتیا
او د سیمهییزو همکاریو د پراختیا په برخه کې یو مهم ګام بلل کیږي.