وروستی
فراه او میدانښار کې یو شمېر مرغان د ښکاریانو له منګولو خلاص او ازاد شول
۱۴۴۷ کال
د ذوالقعدې۸نېټه/
فراه-میدان وردګ
د فراه او میدان وردګو ولایتونو د چاپېریال ساتنې ریاستونو
له لوري د ښکار د مخنیوي کمپاین پر دوام، یو شمېر مرغان د ښکاریان له منګلو خلاص
او په آزاد طبیعت کې خوشې شول.
فراه ولایت کې د امر بالمعروف او نهی عن المنکر ریاست د
محتسبینو له لوري یو شمېر مړزان نیول شوي وو او د چاپېریال ساتنې ریاست ته وسپارل
شول چې د دواړو ریاستونو استازو په حضور کې د مرکز اړوند نورزي کلي کې بېرته خپل
طبیعي استوګنځي کې خوشې شول.
همداراز د میدان وردګو ولایت د چاپیریال ساتنې ریاست لخوا یو
وزرکمیابه مرغه چې په کلیواله لهجه ورته ګربت ویل کیږي او د نایابه مرغانو له ډلې څخه
دی، مرکز میدانښار کې د سیمې د اوسیدونکو له لوري نیول شوی وو چې د چاپیریال ساتنې
ریاست له لوري د اړوندو ادارو او رسنیو استازو په حضور کې ازادې فضا ته خوشې شو.
د یادونې وړ ده چې د ا.ا.ا ریاست الوزراء عالي مقام د حکم
په اساس ټول هېواد کې د وحشي ژوو، مرغانو او کبانو ښکار بند دی؛ هر چا چې له دې
امر څخه سرغړونه وکړه، قانوني چلند به ورسره وشي.